सजिलो पत्रिका
२०८२ फागुन २३, शनिबार ११:२२
प्रतिनिधि सभा निर्वाचन अन्तर्गत देशभरका १६१ निर्वाचन क्षेत्रमा मतगणना तीव्र रूपमा भइरहँदा चारवटा क्षेत्रमा भने अझै गणना सुरु हुन सकेको छैन। निर्वाचन आयोगका अनुसार सङ्खुवासभा-१, गोरखा-१, मुगु-१ र धनुषा-१ मा मतगणना प्रारम्भ हुन बाँकी रहेको हो।
भौगोलिक विकटता र प्रतिकूल मौसमका कारण दुर्गम क्षेत्रबाट मतपेटिका ल्याउन ढिलाइ भएकाले संखुवासभा, गोरखा र मुगुमा गणना सुरु हुन नसकेको हो। गोरखा-१ का मतपेटिकाहरू नेपाली सेनाको हेलिकोप्टरमार्फत सदरमुकाम पुर्याइएको छ भने संखुवासभामा सबै मतपेटिका संकलन भइसकेकाले सर्वदलीय बैठकपछि गणना सुरु गर्ने तयारी छ।
यता, धनुषा-१ मा भने मतपेटिका संकलन भए पनि राजनीतिक दलहरूबीच प्रक्रियागत विषयमा सहमति जुट्न नसक्दा गणना रोकिएको छ। त्यहाँ अहिले सर्वदलीय सहमति खोज्ने प्रयास भइरहेको आयोगले जनाएको छ। यी चार क्षेत्रको नतिजा आउन ढिलाइ हुने भएपछि निर्वाचनको अन्तिम परिणामका लागि अझै केही समय कुर्नुपर्ने देखिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । सरकारले निजी शिक्षा र स्वास्थ्य क्षेत्रमा लगाउने घोषणा गरेको ३ प्रतिशत 'समता कर' (समता शुल्क) हटाएको छ। प्रधानमन्त्री बालेन्द्र शाह (बालेन)ले अर्थमन्त्री स्वर्णिम वाग्लेसँगको परामर्शपछि हालका लागि यो कर लागू नगर्ने निर्णय भएको जानकारी दिएका हुन्।प्रधानमन्त्री शाहले सामाजिक सञ्जालमार्फत यो कर कार्यान्वयन गर्दा आम नागरिकले थप आर्थिक भार
Loading brands...
