काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
रास्वपामा भूपदेव शाहलाई महामन्त्री बनाउने तयारी
सजिलो पत्रिका
२०८३ वैशाख ०७, सोमबार १७:०१
19
काठमाडौँ
राष्ट्रिय स्वतन्त्र पार्टी (रास्वपा) ले प्रतिनिधिसभा निर्वाचनमा पराजित भएका भूपदेव शाहलाई महामन्त्री बनाउने तयारी गरेको छ। पार्टीभित्रको सहमतिअनुसार उनलाई महत्वपूर्ण संगठनात्मक जिम्मेवारीमा ल्याउन लागिएको हो।
पार्टीका एक नेताका अनुसार वरिष्ठ नेता तथा प्रधानमन्त्री बालेन्द्र शाह (बालेन)सँग भएको समझदारीका आधारमा भूपदेवलाई महामन्त्री बनाउने तयारी गरिएको हो। काठमाडौँ महानगरपालिकामा बालेन शाह मेयर हुँदा भूपदेव शाह प्रमुख स्वकीय सचिवका रूपमा कार्यरत थिए।
फागुन २१ मा सम्पन्न निर्वाचनमा अछाम–२ बाट उम्मेदवार बनेका भूपदेव शाह पराजित भएका थिए। त्यसअघि बालेन निकट सुनिल लम्साललाई महामन्त्री बनाउने चर्चा भए पनि उनी हाल भौतिक पूर्वाधारमन्त्री रहेकाले सो स्थानमा भूपदेवलाई ल्याउने निर्णय गरिएको बताइएको छ।
रास्वपाको केन्द्रीय समिति बैठक हाल वनस्थलीस्थित केन्द्रीय कार्यालयमा बसिरहेको छ, जहाँ संगठनभित्र अन्य पदहरूमा समेत हेरफेरको विषयमा छलफल भइरहेको छ। ‘एक पद, एक व्यक्ति’ नीतिअनुसार थप जिम्मेवारी परिवर्तन हुन सक्ने संकेत गरिएको छ।
यसैबीच, उपसभापति डोल प्रसाद अर्याल सभामुखमा निर्वाचित भएपछि उक्त पद रिक्त रहेकाले त्यसबारे पनि पार्टीले निर्णय गर्ने तयारी गरेको स्रोतले जनाएको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
Data is loading...
Loading brands...
Loading footer...
