सजिलो पत्रिका
२०८२ पुस १६, बुधबार ०८:२०
नेपाली काँग्रेसले आज ४९औँ राष्ट्रिय एकता तथा मेलमिलाप दिवस देशभर विभिन्न कार्यक्रम गरी मनाउँदैछ । ४९ वर्षअघि आजकै दिन (२०३३ पुस १६ गते) प्रथम जननिर्वाचित प्रधानमन्त्री बिश्वेश्वर प्रसाद कोइराला राष्ट्रिय एकता तथा मेलमिलापको नीति लिएर भारतबाट स्वदेश फर्किएको दिनको सम्झनामा यो दिवस मनाउने गरिन्छ ।
२०१७ सालमा राजा महेन्द्रले 'कु' गरेपछि आठ वर्ष जेल जीवन बिताएका बीपी २०२५ सालमा छुटेपछि भारतमा निर्वासित भएका थिए । भारतमा रहँदा सिक्किम विलय भएको घटनाबाट चिन्तित बीपीले राष्ट्रियता संकटमा परेको महसुस गर्दै आफूमाथि आठवटा मृत्युदण्डका मुद्दा चलिरहेकै अवस्थामा पनि मेलमिलापको नीति लिएर स्वदेश फर्किएका थिए ।
उनीसँगै सर्वोच्च नेता गणेश मान सिंह, शैलजा आचार्य, खुमबहादुर खड्का लगायतका नेताहरू पनि आठ वर्षे निर्वासित जीवन त्यागेर नेपाल आएका थिए । त्रिभुवन विमानस्थलमा ओर्लिनेबित्तिकै उनीहरूलाई पुनः पक्राउ गरी सुन्दरीजल बन्दीगृहमा राखिएको थियो ।
राष्ट्रियताको रक्षाका लागि प्रजातन्त्रवादी र राजावादी शक्तिहरू मिल्नुपर्छ भन्ने बीपीको यही नीतिको स्मरणमा कांग्रेस र उसका भ्रातृ संस्थाहरूले आज देशभर विभिन्न कार्यक्रम आयोजना गरिरहेका छन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।सरकारले प्रधानमन्त्री तथा मन्त्रिपरिषद् कार्यालयका सचिव गोविन्दबहादुर कार्कीलाई नयाँ मुख्यसचिव नियुक्त गरेको छ। बुधबार बसेको मन्त्रिपरिषद् बैठकले वरीयतामा पहिलो नम्बरमा रहेका किरणराज शर्मा लगायतका वरिष्ठ सचिवहरूलाई पछि पार्दै कार्कीलाई मुख्य पदमा पुर्याएको हो। प्रधानमन्त्री बालेन्द्र शाहको विशेष विश्वास जितेका कार्कीले सरकारको १०० दिने सुधार कार्यसूची र 'सुशासन मार्गचित्र' को नेतृत्व
लोड भइरहेको छ...
Loading brands...
