सजिलो पत्रिका
२०८३ असार २५, बिहिबार १२:०२
राष्ट्रिय किताबखाना (प्रहरी) ले नेपाल प्रहरी, सशस्त्र प्रहरी बल र राष्ट्रिय अनुसन्धान विभागका बहालवाला तथा अवकाशप्राप्त कर्मचारीहरूलाई तोकिएको समयभित्र सम्पत्ति विवरण बुझाउन निर्देशन दिएको छ । लैनचौरस्थित किताबखानाले एक सूचना जारी गर्दै आर्थिक वर्ष २०८२/८३ को सम्पत्ति विवरण ६० दिनभित्र बुझाउन ताकेता गरेको हो ।
किताबखानाका अनुसार नेपाल प्रहरी, सशस्त्र प्रहरी बल, राष्ट्रिय अनुसन्धान विभाग र राष्ट्रिय सतर्कता केन्द्रका प्रहरीतर्फका कर्मचारीहरूले भदौ २९ गतेभित्र अनिवार्य रूपमा सम्पत्ति विवरण बुझाउनुपर्नेछ । भ्रष्टाचार निवारण ऐन, २०५९ को दफा ५० को उपदफा (१) र अख्तियार दुरुपयोग अनुसन्धान आयोग ऐन, २०४८ को दफा ३१ (क) को उपदफा (१) बमोजिम यो विवरण माग गरिएको हो ।
सम्बन्धित कर्मचारीहरूले तोकिएको सम्पत्ति विवरण फाराम भरी आफू कार्यरत वा तोकिएको कार्यालयमार्फत राष्ट्रिय किताबखाना (प्रहरी) मा बुझाउनुपर्नेछ । आर्थिक वर्ष समाप्त भएको मितिले ६० दिनभित्र विवरण दर्ता गराउनुपर्ने कानुनी प्रावधान रहेको छ ।
तोकिएको म्याद अर्थात् भदौ २९ गतेभित्र सम्पत्ति विवरण नबुझाउने कर्मचारीहरूलाई कानुनी कारबाहीको चेतावनी दिइएको छ । भ्रष्टाचार निवारण ऐन, २०५९ को दफा ५० को उपदफा (३) बमोजिम म्यादभित्र विवरण नबुझाउने कर्मचारीलाई १० हजार रुपैयाँ जरिवाना गरिने किताबखानाले स्पष्ट पारेको छ ।
साथै, जरिवाना तिरेर मात्र उन्मुक्ति नपाइने र पुनः विवरण बुझाउनुपर्ने कानुनी व्यवस्था रहेकाले समयमै प्रक्रिया पूरा गर्न किताबखानाले सबै सुरक्षा निकायका सम्बन्धित कर्मचारीहरूलाई आग्रह गरेको छ । यसअघि अवकाश पाएका तर विवरण बुझाउन बाँकी रहेका कर्मचारीहरूको हकमा पनि यो नियम लागू हुने सूचनामा उल्लेख छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जल तथा मौसम विज्ञान विभागले ‘जुलाई’ महिनामा देशभर औसतभन्दा कम वर्षा मापन भएको जनाएको छ ।जुलाई महिनामा औसत ५५८.८ मिलिमिटर वर्षा हुनुपर्नेमा हालसम्म ३०४.३० मिलिमिटर भएको छ । विभागका अनुसार पछिल्लो २४ घण्टामा देशका ४१४ वर्षा मापन केन्द्रमध्ये ३७२ केन्द्रमा वर्षा भएको छ ।सो अवधिमा नेपालभर औसत ११।७
लोड भइरहेको छ...
Loading brands...
