सजिलो पत्रिका
२०८३ जेठ ०१, शुक्रबार ११:२३
काठमाडौँ
देशका अधिकांश सहरहरूमा आज दिउँसो मेघगर्जन र चट्याङसहित हल्कादेखि मध्यम वर्षा हुने सम्भावना रहेको जल तथा मौसम विज्ञान विभागले जनाएको छ। विभागका अनुसार देशभर मौसममा बदली रहने र धेरैजसो स्थानमा वर्षाको गतिविधि देखिने अनुमान गरिएको छ।
दिउँसोको समयमा डडेलधुरा, दिपायल, धनगढी, वीरेन्द्रनगर, नेपालगन्ज, जुम्ला, घोराही, सिमरा र विराटनगर लगायतका सहरहरूमा मेघगर्जनसहित हल्का वर्षा हुने सम्भावना छ। यस्तै पोखरा, काठमाडौं, ओखलढुङ्गा, धनकुटा, जोमसोम, धरान, जनकपुर, जिरी र ताप्लेजुङमा भने मेघगर्जन र चट्याङसहित मध्यम वर्षा हुने पूर्वानुमान गरिएको छ।
विभागका अनुसार दिउँसोको समयमा सबैभन्दा बढी वर्षाको सम्भावना ताप्लेजुङमा ६० प्रतिशत रहेको छ भने पोखरा, ओखलढुङ्गा र धनकुटामा ४० प्रतिशत रहेको छ। भैरहवामा भने वर्षा नहुने अनुमान गरिएको छ र त्यहाँ आंशिक बदली मात्र रहनेछ। तापक्रमको दृष्टिले दिपायल, धनगढी, नेपालगन्ज र जनकपुरमा अधिकतम तापक्रम ३३ देखि ३५ डिग्री सेल्सियससम्म पुग्ने अनुमान छ।
रातिको समयमा पश्चिमी र तराईका केही सहरहरूमा मौसम खुल्ने सम्भावना रहेको छ। डडेल्धुरा, दिपायल, धनगढी, वीरेन्द्रनगर, नेपालगन्ज, जुम्ला, घोराही, भैरहवा र सिमरामा मौसम आंशिक बदली रहने तर वर्षा नहुने विभागले जनाएको छ।
तर मध्य र पूर्वी क्षेत्रका पोखरा, काठमाडौं, ओखलढुङ्गा, धनकुटा, विराटनगर, जोमसोम, धरान, जनकपुर, जिरी र ताप्लेजुङमा भने राति पनि मेघगर्जनसहित हल्कादेखि मध्यम वर्षाको सम्भावना कायम रहनेछ। यसैगरी धनकुटा, विराटनगर, धरान र ताप्लेजुङमा वर्षाको सम्भावना ४० प्रतिशत रहेको विभागले जनाएको छ। साथै, जुम्लामा राति न्यूनतम तापक्रम ७ देखि ९ डिग्री सेल्सियससम्म झर्ने अनुमान गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँडोल्पाको छार्का ताङसोङ गाउँपालिकाको केन्द्र कागकोटमा फोरजी सेवा सञ्चालनमा ल्याइएको छ। नेपाल टेलिकमले दुर्गम हिमाली क्षेत्रमा पनि उच्चगतिको मोबाइल सेवा विस्तार गर्ने क्रममा उक्त सेवा सुरु गरेको हो।नेपाल टेलिकमका प्रवक्ता डा. कमल लामिछानेका अनुसार समुद्री सतहदेखि करिब ४ हजार २०० मिटर उचाइमा रहेको मुकोटस्थित टावरमा फोरजी उपकरण जडान गरी माइक्रोवेभ
लोड भइरहेको छ...
Loading brands...
