सजिलो पत्रिका
२०८३ जेठ ०४, सोमबार ११:०९
काठमाडौँ
म्याग्दी, मुस्ताङ, बागलुङ र पर्वत जिल्लामा फलफूलबालीमा लाग्ने रोगकिरा नियन्त्रणका लागि रासायनिक विषादीको विकल्पस्वरूप ‘जैविक झोल’ प्रयोग गर्न थालिएको छ । राष्ट्रिय कृषि आधुनिकीकरण परियोजना, जोमसोममार्फत स्थानीय जडीबुटी र घाँसको मिश्रणबाट तयार गरिने उक्त झोल प्रयोगमा ल्याइएको हो ।
परियोजनाले ‘इपिफाइटिक ल्याक्टिक एसिड ब्याक्टेरिया’ नाम दिएको यो जैविक झोल गत वर्ष परियोजनाको स्याउ बगैँचामा परीक्षण गरिएको थियो । परीक्षण सफल भएपछि यस वर्षदेखि मुस्ताङका किसानहरूले आफ्नो स्याउ बगैँचामा प्रयोग गर्न थालेका छन् । परियोजनाका प्रमुख भरतराज गौतमका अनुसार झोल बनाउन ५० प्रतिशत तितेपाती तथा बाँकी कोते, झिम्सी र राईघाँस मिसाएर ओखलमा कुटी निचोरेर झोल निकालिन्छ । त्यसपछि तीन दिनसम्म करिब ३० डिग्री सेल्सियस तापक्रममा राखेपछि झोल अमिलो बन्छ ।
एक किलो घाँसबाट करिब तीन लिटर झोल उत्पादन गर्न सकिने र एक बोतल झोललाई ४० लिटर सफा पानीमा मिसाएर बिरुवामा छर्कन सकिने परियोजनाले जनाएको छ । परियोजनाका अनुसार यस जैविक झोलले बोटबिरुवाका लागि आवश्यक मित्र जीवाणु सक्रिय बनाउने तथा हानिकारक जीवाणुलाई हटाउने वा नष्ट गर्ने क्षमता राख्छ ।
परियोजनाका प्रमुख गौतमले दुई वर्षअघि जापानमा अध्ययनका क्रममा सिकेको यो प्रविधि पोखराको कास्कीकोटस्थित कुखुरा फार्ममा समेत सफल रूपमा प्रयोग गरिसकेको बताए । मुस्ताङमा सफल परीक्षणपछि अब म्याग्दी, पर्वत र बागलुङका सुन्तला बगैँचामा पनि यसको प्रयोग विस्तार गरिने भएको छ । परियोजनाका प्राविधिक गणेश जिसीका अनुसार किसानलाई तालिममार्फत जैविक झोल बनाउने सीप सिकाइनेछ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँडोल्पाको छार्का ताङसोङ गाउँपालिकाको केन्द्र कागकोटमा फोरजी सेवा सञ्चालनमा ल्याइएको छ। नेपाल टेलिकमले दुर्गम हिमाली क्षेत्रमा पनि उच्चगतिको मोबाइल सेवा विस्तार गर्ने क्रममा उक्त सेवा सुरु गरेको हो।नेपाल टेलिकमका प्रवक्ता डा. कमल लामिछानेका अनुसार समुद्री सतहदेखि करिब ४ हजार २०० मिटर उचाइमा रहेको मुकोटस्थित टावरमा फोरजी उपकरण जडान गरी माइक्रोवेभ
Loading brands...
