सजिलो पत्रिका
२०८२ असोज १३, सोमबार १९:४५
लामो समयदेखि राजनीतिक दबाबका कारण अधुरो रहेको नक्कली भुटानी शरणार्थी प्रकरणमा प्रहरीको केन्द्रीय अनुसन्धान ब्युरो (सीआईबी) ले पुनः अनुसन्धान सुरु गरेको छ। गृहमन्त्री ओमप्रकाश अर्यालले सीआईबी निरीक्षणका क्रममा राजनीतिक आग्रहमा रोकिएका कतिपय मुद्दा पुनः अघि बढाउन निर्देशन दिएपछि यो अनुसन्धान फेरि सक्रिय भएको हो।
पुनः सुरु भएको पूरक अनुसन्धानको घेरामा नेपाली काँग्रेसका सभापति एवं पूर्वप्रधानमन्त्री शेर बहादुर देउबाका सालो तथा निवर्तमान परराष्ट्रमन्त्री डा. आरजु राणा देउवाका भाइ भूषण राणा पनि परेका छन्। प्रहरीका अनुसार, उनीसँग यसअघि एकपटक मात्रै बयान लिइएको भए पनि त्यसपछिका अनुसन्धानहरू उच्च राजनीतिक दबाबका कारण रोकिएका थिए।
यसअघि नै यो प्रकरणमा पूर्वगृहमन्त्री बालकृष्ण खाँण, पूर्वमन्त्री टोपबहादुर रायमाझी, पूर्वगृहसचिव टेकनारायण पाण्डेसहित ३० जनाविरुद्ध ठगी, किर्ते र संगठित अपराधसम्बन्धी मुद्दा दायर भइसकेको छ। तर, नयाँ अनुसन्धानसँगै राजनीतिक प्रभावका कारण ओझेलमा परेका केही पात्र फेरि कानुनी घेरामा आउनसक्ने संकेत देखिएको छ।
यस घटनाको अनुसन्धानलाई थप प्रभावकारी बनाउनका लागि एआईजी मनोजकुमार केसीलाई पुनः सीआईबीमा ल्याइएको छ। यो कदमले नक्कली भुटानी शरणार्थी प्रकरणको सत्यतथ्य बाहिर ल्याउन मद्दत पुग्ने अपेक्षा गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जल तथा मौसम विज्ञान विभागले ‘जुलाई’ महिनामा देशभर औसतभन्दा कम वर्षा मापन भएको जनाएको छ ।जुलाई महिनामा औसत ५५८.८ मिलिमिटर वर्षा हुनुपर्नेमा हालसम्म ३०४.३० मिलिमिटर भएको छ । विभागका अनुसार पछिल्लो २४ घण्टामा देशका ४१४ वर्षा मापन केन्द्रमध्ये ३७२ केन्द्रमा वर्षा भएको छ ।सो अवधिमा नेपालभर औसत ११।७
लोड भइरहेको छ...
Loading brands...
