सजिलो पत्रिका
२०८२ भदौ २२, आइतबार ०८:१७
काठमाडौँ ।
संघीय मामिला तथा सामान्य प्रशासन मन्त्री भगवती न्यौपानेले २२ औं निजामती सेवा दिवस–२०८२ को अवसरमा निजामती सेवालाई प्रविधिमैत्री, नागरिक केन्द्रित र छरितो बनाउनुपर्नेमा जोड दिएकी छिन् । उनले नागरिकलाई छिटो, सरल र पारदर्शी सेवा प्रवाह गर्न डिजिटल प्रविधि, कृत्रिम बौद्धिकता र नवप्रवर्तनशील उपायहरूको अधिकतम उपयोग गर्नुपर्ने बताइन् ।
मन्त्री न्यौपानेका अनुसार, व्यावसायिक र तटस्थ निजामती सेवा बिना कुनै पनि राष्ट्रको शासन पद्धति प्रभावकारी हुन सक्दैन । निजामती सेवाले सरकारलाई नीति निर्माणमा सहयोग गर्नुका साथै त्यसको कार्यान्वयन, सेवा प्रवाह र विकास व्यवस्थापनमा समेत महत्वपूर्ण भूमिका खेल्ने उनले उल्लेख गरिन् ।
"सङ्घीय लोकतान्त्रिक गणतन्त्रात्मक शासन व्यवस्थामा दिगो शान्ति, सुशासन, विकास र समृद्धि हासिल गर्न सक्षम, पारदर्शी, जवाफदेही र सेवाग्राहीमैत्री प्रशासन अपरिहार्य हुन्छ," मन्त्री न्यौपानेले भनिन्, "त्यसैले, निजामती सेवाले प्रविधिमैत्री, नागरिक केन्द्रित र छरितो सेवा प्रणालीमार्फत नागरिकलाई छिटो, सरल र पारदर्शी सेवा दिनु अनिवार्य बनेको छ ।"
उनले कर्मचारीहरूको क्षमता अभिवृद्धि, व्यावसायिकता, निरन्तर सिकाई र सुधारमार्फत नागरिकको विश्वास जित्न सकिने बताएकी छिन् । राज्यप्रति जिम्मेवार, सदाचारयुक्त, परिणाममुखी र सिर्जनशील प्रशासनिक संरचना निर्माण आजको आवश्यकता भएको उनको भनाइ छ । मन्त्री न्यौपानेले निजामती सेवा दिवसले सम्पूर्ण राष्ट्रसेवक कर्मचारीहरूलाई देश र जनताको सेवामा थप प्रोत्साहित गर्ने विश्वास व्यक्त गर्दै शुभकामना व्यक्त गरिन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जल तथा मौसम विज्ञान विभागले ‘जुलाई’ महिनामा देशभर औसतभन्दा कम वर्षा मापन भएको जनाएको छ ।जुलाई महिनामा औसत ५५८.८ मिलिमिटर वर्षा हुनुपर्नेमा हालसम्म ३०४.३० मिलिमिटर भएको छ । विभागका अनुसार पछिल्लो २४ घण्टामा देशका ४१४ वर्षा मापन केन्द्रमध्ये ३७२ केन्द्रमा वर्षा भएको छ ।सो अवधिमा नेपालभर औसत ११।७
लोड भइरहेको छ...
Loading brands...
