सजिलो पत्रिका
२०८२ भदौ ०१, आइतबार ०८:२५
गत वैशाखदेखि साउन ३१ गतेसम्मको चार महिनाको अवधिमा देशभर दुई हजार ८५३ वटा विपद्का घटना भएका छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार, यी घटनामा परी १२६ जनाले ज्यान गुमाएका छन् भने ५८५ जना घाइते भएका छन्।
प्राधिकरणले सार्वजनिक गरेको तथ्याङ्कअनुसार यस अवधिमा २३ जना बेपत्ता भएका छन् भने कुल पाँच हजार ४१ परिवार विपद्बाट प्रभावित भएका छन्। तथ्याङ्कअनुसार चार महिनामा सबैभन्दा बढी आगलागीका घटना भएका छन्। यस अवधिमा कुल एक हजार ११४ वटा आगलागीका घटना enregistrer भएका छन्। यसैगरी, मनसुनजन्य विपद्का रूपमा पहिरोका ३१७, बाढीका २१६, भारी वर्षाका २२१ र चट्याङका २४५ घटना घटेका छन्।
प्राधिकरणका अनुसार डढेलोका १५८, हुरीबतासका २७७, जनावर आक्रमणका १७२, सर्पदंशका ७७ र लेक लागेका ४६ घटना समावेश छन्। यसबाहेक, भूकम्पका पाँच, डुङ्गा दुर्घटनाका दुई तथा असिना र अन्य प्रकृतिका एक-एक घटना भएका छन्।
साउन ३१ गते एकैदिनमा मात्र आगलागीका सात, पहिरोका आठ, अविरल वर्षाका चार, बाढीको एक र जनावर आक्रमणका तीन गरी २३ वटा विपद्का घटना घटेको प्राधिकरणले जनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । सवारी चालक अनुमतिपत्र (लाइसेन्स) प्राप्त गर्नका लागि गरिने स्वास्थ्य परीक्षणमा रहेको 'सिण्डिकेट' अन्त्य गर्दै सरकारले नयाँ व्यवस्था कार्यान्वयनमा ल्याउन पहल सुरु गरेको छ। यातायात व्यवस्था विभागले अब नेपाल मेडिकल काउन्सिलमा दर्ता भई इजाजत प्राप्त गरेका जुनसुकै चिकित्सकले प्रदान गरेको स्वास्थ्य परीक्षण प्रमाणपत्रलाई मान्यता दिने निर्णय गरेको हो।विभागका सवारी
Loading brands...
