सजिलो पत्रिका
२०८३ जेठ ३१, आइतबार १४:५७
काठमाडौँ ।
काठमाडौँ महानगरपालिकाले आगामी आर्थिक वर्ष २०८३/०८४ मा फोहोरमैला व्यवस्थापनलाई थप प्रभावकारी बनाउन 'एकद्वार प्रणाली' मार्फत सेवा शुल्क संकलन गर्ने नीति अघि सारेको छ। आइतबार आयोजित नगरसभाको १९औँ अधिवेशनमा कार्यवाहक प्रमुख सुनिता डंगोलले 'प्रदूषकले तिर्ने' सिद्धान्तका आधारमा शुल्क संकलन गरिने जानकारी दिइन्।
महानगरले फोहोरमैला व्यवस्थापनसम्बन्धी सम्पूर्ण सूचना र विवरणलाई अनलाइन एपमार्फत उपलब्ध गराउने योजना बनाएको छ, जसले सेवा प्रदायक र सेवाग्राहीबीच सहज पहुँच सुनिश्चित गर्नेछ। साथै, बन्चरेडाँडा डम्पिङ साइटमा फोहोर विसर्जन गर्ने अन्य स्थानीय तहहरूसँग फोहोरको परिमाण र प्रकृतिका आधारमा द्विपक्षीय साझेदारीका लागि पहल गरिने नीतिमा उल्लेख छ।
यसका साथै, महानगरले वायु, जल, जमिन, ध्वनि र दृश्य प्रदूषण नियन्त्रणका लागि आधुनिक प्रविधिको प्रयोग गर्ने र यसका लागि संघ, प्रदेश तथा विज्ञहरूसँग समन्वय र सहकार्य गर्ने लक्ष्य लिएको छ। आगामी वर्ष वातावरणीय सुधार र आधुनिक फोहोर व्यवस्थापनलाई महानगरले विशेष प्राथमिकतामा राखेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । काठमाडौं महानगरपालिकाले आगामी आर्थिक वर्ष २०८३/८४ का लागि फोहोरमैला व्यवस्थापनलाई उच्च प्राथमिकता दिँदै नयाँ नीति तथा कार्यक्रम सार्वजनिक गरेको छ। आइतबार आयोजित १९औँ नगर अधिवेशनमा कार्यवाहक प्रमुख सुनिता डंगोलले प्रस्तुत गरेको नीतिमा महानगर क्षेत्रलाई ७ वटा क्लस्टर (समूह) मा विभाजन गरी प्रविधिको प्रयोगमार्फत फोहोरको उचित व्यवस्थापन गर्ने उल्लेख छ।नयाँ
Loading brands...
