काठमाडौँ । राष्ट्रपति रामचन्द्र पौडेलले विकास निर्माणको केन्द्रमा मानव र प्रकृतिलाई राख्नुपर्नेमा जोड दिएका छन्। नेपाल इन्जिनियर्स एसोसिएसनको ६४औँ वार्षिकोत्सवलाई सम्बोधन गर्दै उनले विकासको अवधारणा जनताको कल्याण र मुलुकको समृद्धिसँग जोडिनुपर्ने बताए।जलवायु परिवर्तनको बढ्दो चुनौतीलाई मध्यनजर गर्दै अबका पूर्वाधारहरू दिगो, पर्यावरणमैत्री र 'हरित विकास' को सिद्धान्तमा आधारित हुनुपर्ने राष्ट्रपतिको भनाइ
लोमान्थाङमा नेपाल–चीन सुरक्षा समन्वय बैठक सम्पन्न
सजिलो पत्रिका
२०८३ जेठ ०९, शनिबार १२:३४
11
काठमाडौँ
मुस्ताङको उपल्लो लोमान्थाङमा नेपाल–चीन सीमा सुरक्षा समन्वयात्मक बैठक सम्पन्न भएको छ। शुक्रबार सम्पन्न उक्त बैठकमा दुवै देशका सुरक्षा अधिकारी तथा स्थानीय जनप्रतिनिधिहरूको सहभागिता रहेको थियो।
बैठकमा चीनको तिब्बतस्थित झोङ्बा काउन्टी सार्वजनिक सुरक्षा ब्युरोका आठ सदस्यीय प्रतिनिधिमण्डल सहभागी थियो। नेपाली पक्षबाट मुस्ताङकी प्रमुख जिल्ला अधिकारी अजिता शर्मा, सुरक्षा निकायका प्रमुखहरू तथा स्थानीय तहका जनप्रतिनिधिहरूको उपस्थिति रहेको थियो।
बैठकमा कोरलानाका क्षेत्रको सीमा सुरक्षा, आवागमन व्यवस्थापन, तस्करी तथा अन्य अवाञ्छित गतिविधि नियन्त्रणजस्ता विषयमा छलफल भएको प्रमुख जिल्ला अधिकारी शर्माले जानकारी दिइन्। दुवै पक्षले सीमा क्षेत्रमा देखिएका समस्या समाधानका लागि समन्वय र सहकार्यलाई अझ प्रभावकारी बनाउने सहमति जनाएका छन्।
यसैगरी, नेपाल–चीन स्थानीय प्रशासन र जनसरकारबीचको सम्बन्धलाई अझ सुदृढ बनाउँदै लैजाने विषयमा पनि सहमति भएको छ। सीमा क्षेत्रको सुरक्षा तथा सहकार्यका विषयमा यस्ता बैठक बर्सेनि आलोपालो रूपमा नेपाल र चीन दुवै पक्षमा आयोजना हुँदै आएको जनाइएको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
Data is loading...
Loading brands...
Loading footer...
