सजिलो पत्रिका
२०८३ वैशाख २९, मङ्गलबार १४:१०
काठमाडौँ
राष्ट्रिय स्वतन्त्र पार्टी (रास्वपा) का सांसद रमेश प्रसाईले जेनजी आन्दोलनका बेला प्रधानमन्त्री रहेका खड्गप्रसाद शर्मा ओली र तत्कालीन गृहमन्त्री रमेश लेखकविरुद्ध मुद्दा नचलाइएको भन्दै सरकारमाथि प्रश्न उठाएका छन्।
मंगलबार संसद्को शून्य समयमा बोल्दै सांसद प्रसाईंले सहिदप्रतिको सम्मान केवल औपचारिकतामा सीमित नभई सरकारको व्यवहारबाट देखिनुपर्ने बताएका छन्। उनले मुद्दा चलाउन ढिलाइ हुनुको कारणबारे सरकारसँग स्पष्टता मागेका छन्।
प्रसाईंले ‘जेनजी आन्दोलनका नरसंहारका अभियुक्त’ भनिएका तत्कालीन प्रधानमन्त्री र गृहमन्त्रीविरुद्ध मुद्दा दायर गर्न किन ढिलाइ भइरहेको हो भन्दै प्रश्न उठाएका छन्। उनले प्रमाण नपुगेको हो कि विषय प्राथमिकतामा नपरेको हो भन्नेबारे सरकार स्पष्ट हुनुपर्ने बताए।
सांसद प्रसाईंले विगतका मल्लिक आयोग, रायमाझी आयोग र लाल आयोगका प्रतिवेदनहरू कार्यान्वयन नभई थन्क्याइएको भन्दै हरेक आन्दोलनका सहिदमाथि अन्याय भइरहेको आरोप पनि लगाए। उनले सरकारको ढिलासुस्तीले न्याय प्रक्रिया कमजोर बनाएको टिप्पणी गरे।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
