सजिलो पत्रिका
२०८३ वैशाख ०३, बिहिबार १७:३५
तारकेश्वर नगरपालिका–७ चिम्वर पोखरीस्थित श्री गणेश मन्दिरमा आयोजित वार्षिक रथ यात्रा बिहिवार भव्य रूपमा सम्पन्न भएको छ। धार्मिक श्रद्धा र सांस्कृतिक उत्सवको प्रतीकका रूपमा लिइने यो रथ यात्रा नयाँ वर्षको अवसरमा वैशाख १ गतेदेखि सुरु भई वैशाख ३ गते समापन गरिएको हो।
तीन दिनसम्म चलेको यस विशेष सांस्कृतिक उत्सवमा परराष्ट्र मन्त्री शिशिर खनालको समेत उपस्थिति रहेको थियो। मन्त्री खनालले स्थानीय मौलिक संस्कृति र परम्पराको जगेर्ना गर्न यस्ता कार्यक्रमले महत्त्वपूर्ण भूमिका खेल्ने उल्लेख गरे।
विगतका वर्षहरूमा झैँ यस वर्ष पनि श्री गणेशको रथलाई स्थानीय विभिन्न टोल, बस्ती र चोकहरूमा परिक्रमा गराइएको थियो। रथ यात्राको अन्तिम दिन स्थानीय बासिन्दा, भक्तजन, बटुक समूह तथा विभिन्न सामाजिक संघसंस्थाहरूको उत्साहजनक र बाक्लो सहभागिता रहेको थियो।
कार्यक्रमलाई सफलतापूर्वक सम्पन्न गर्न अहोरात्र खटिएका आयोजक समितिका पदाधिकारीहरूले सहयोगी हातहरूप्रति आभार व्यक्त गरेका छन्। समितिका अध्यक्ष रामचन्द्र श्रेष्ठ, सचिव राजिव श्रेष्ठ र कोषाध्यक्ष विष्णु श्रेष्ठले रथ यात्रालाई सफल बनाउन साथ दिने सम्पूर्ण संघसंस्था, स्वयंसेवक, सुरक्षाकर्मी र स्थानीय बासिन्दालाई धन्यवाद दिए। साथै, उनीहरूले आगामी वर्षहरूमा यो रथ यात्रालाई अझ व्यवस्थित र भव्य रूपमा सञ्चालन गर्ने प्रतिबद्धता समेत व्यक्त गरे।
स्थानीय बासिन्दाहरूले यस्ता धार्मिक र सांस्कृतिक कार्यक्रमले समुदायमा आपसी एकता, सद्भाव र सहकार्यको भावना अभिवृद्धि गरेको बताएका छन्। श्री गणेश मन्दिरको यस रथ यात्रालाई तारकेश्वर क्षेत्रकै एक महत्त्वपूर्ण सांस्कृतिक पहिचान र सामुदायिक एकताको प्रतीकका रूपमा हेरिने गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । बागमती प्रदेश सरकारलाई दिएको समर्थन फिर्ता लिँदै नेकपा एमाले सरकारबाट बाहिरिने भएको छ। यस विषयमा औपचारिक निर्णय गर्न र आगामी रणनीति तय गर्न आइतबार काठमाडौँमा एमाले बागमती प्रदेश संसदीय दलको बैठक बसिरहेको छ।एमालेले शनिबार नै मुख्यमन्त्री इन्द्र बहादुर बानियाँलाई सरकारलाई दिएको समर्थन फिर्ता लिने निर्णयबारे जानकारी गराइसकेको छ।
लोड भइरहेको छ...
Loading brands...
