सजिलो पत्रिका
२०८२ फागुन १८, सोमबार १३:४०
प्रधानमन्त्री सुशीला कार्कीले आगामी फागुन २१ गते हुने प्रतिनिधि सभा निर्वाचनमा सक्रियतापूर्वक सहभागी हुन सम्पूर्ण नागरिकहरूलाई आह्वान गरेकी छन्। सोमबार राष्ट्रका नाममा विशेष सम्बोधन गर्दै उनले मतदानलाई आफ्नो र भावी पुस्ताको भविष्य तय गर्ने महत्त्वपूर्ण निर्णयका रूपमा चित्रण गरिन्।
"भोट हाल्नु भनेको केवल चुनाव चिन्हमा छाप लगाउनु मात्र होइन, यो तपाईंले आफ्नो र सन्तानको भविष्य कस्तो बनाउने भनेर लिने निर्णय हो," प्रधानमन्त्रीले भनिन्, "त्यसैले फागुन २१ गते अरू काम छाडेरै भए पनि मतदान केन्द्रमा पुग्न म हार्दिक अपिल गर्दछु।"
सम्बोधनका क्रममा उनले 'जेनजी आन्दोलन' पछिको जटिल संक्रमणकालीन अवस्थालाई चिर्दै मुलुकलाई शान्तिपूर्ण र संवैधानिक मार्गमा फर्काउन सफल भएकोमा सन्तोष व्यक्त गरिन्। उनले निर्वाचन प्रचारप्रसारमा संयम अपनाउन र मौन अवधिको पूर्ण पालना गर्न सबै पक्षलाई आग्रह गरिन्।
साथै, प्रधानमन्त्री कार्कीले सामाजिक सञ्जालमार्फत तथ्यहीन र भ्रामक सामग्री फैलाएर निर्वाचनको वातावरण बिगार्न खोज्नेहरूलाई सरकारले कडा निगरानीमा राखेको र त्यस्ता व्यक्तिलाई कानुनी दायरामा ल्याइने चेतावनी समेत दिइन्। उनले विधिको शासन र राजनीतिक स्थिरताका लागि यो निर्वाचन कोशेढुङ्गा सावित हुने विश्वास व्यक्त गरिन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जल तथा मौसम विज्ञान विभागले ‘जुलाई’ महिनामा देशभर औसतभन्दा कम वर्षा मापन भएको जनाएको छ ।जुलाई महिनामा औसत ५५८.८ मिलिमिटर वर्षा हुनुपर्नेमा हालसम्म ३०४.३० मिलिमिटर भएको छ । विभागका अनुसार पछिल्लो २४ घण्टामा देशका ४१४ वर्षा मापन केन्द्रमध्ये ३७२ केन्द्रमा वर्षा भएको छ ।सो अवधिमा नेपालभर औसत ११।७
लोड भइरहेको छ...
Loading brands...
