सजिलो पत्रिका
२०८२ पुस १७, बिहिबार ०९:३५
धार्मिक तथा पर्यटकीय जिल्ला मुस्ताङमा विदेशी पर्यटकको आगमन उल्लेख्य रूपमा वृद्धि भएको छ । सन् २०२५ मा २५ हजार ४०३ जना बढी विदेशी पर्यटकले मुस्ताङ भ्रमण गरेका छन्, जुन अघिल्लो वर्षको तुलनामा १८.७१ प्रतिशतले बढी हो ।
अन्नपूर्ण संरक्षण क्षेत्र आयोजना (एक्याप), जोमसोमका अनुसार, सन् २०२५ मा कुल १ लाख ६१ हजार १२२ जना विदेशी पर्यटक मुस्ताङ भित्रिएका छन् । सन् २०२४ मा यो संख्या १ लाख ३५ हजार ७१९ थियो ।
गत वर्ष मुस्ताङ भ्रमण गर्नेमा सार्क राष्ट्रका पर्यटकको संख्या १ लाख ३२ हजार ८४७ र अन्य राष्ट्रका २८ हजार २७५ रहेको छ । भ्रमण गर्ने विदेशीमध्ये सबैभन्दा बढी भारतीय पर्यटक रहेका छन् । सार्क राष्ट्रका कुल पर्यटकमध्ये ९० प्रतिशतभन्दा बढी भारतीय रहेको एक्यापले जनाएको छ ।
यद्यपि, गत भदौमा भएको 'जेनजी' आन्दोलनका कारण अपेक्षा गरिएअनुसार पर्यटकको संख्या बढ्न नसकेको एक्याप प्रमुख राजेश गुप्ताले बताए । आन्दोलनको असरले सेप्टेम्बर, अक्टोबर र नोभेम्बर महिनामा पर्यटकको संख्या घटेको थियो, जसले गर्दा ३० प्रतिशत वृद्धिको अनुमान पूरा हुन सकेन ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली बजारमा शुक्रबार सुन–चाँदीको मूल्य घटेको छ। बिहीबार तोलामा चार सय रूपैयाँ बढेको सुनको मूल्य आज प्रतितोला ३१ सय रूपैयाँ घटेको हो।नेपाल सुनचाँदी ब्यवसायी महासंघका अनुसार आज एक तोला सुनको मोल दुई लाख ८२ हजार एक सय रूपैयाँ निर्धारण भएको छ।अघिल्लो कारोबार दिन (बिहीबार) सुन प्रतितोला दुई लाख
लोड भइरहेको छ...
Loading brands...
