सजिलो पत्रिका
२०८२ मंसिर १४, आइतबार १८:०६
हेटौंडा बजार क्षेत्रको सडक विस्तारका विषयमा स्थिति स्पष्ट पार्न माग गर्दै जेने–जेड पुस्ताले सडक डिभिजन कार्यालय मकवानपुर र जिल्ला प्रशासन कार्यालयमा संयुक्त रूपमा ज्ञापनपत्र बुझाएको छ ।
सडक विस्तारको क्रममा प्रभावित नागरिकको जग्गा, घर तथा सम्पत्तिको उचित मूल्याङ्कन, क्षतिपूर्ति वितरणका आधार र प्रक्रियाबारे उत्पन्न अस्पष्टता एवं अन्योलताले स्थानीय युवाहरूले पहल गर्दै मागपत्र पेस गरेका हुन् ।
युवापुस्ताको तर्फबाट बुझाइएको ज्ञापनपत्रमा सडक विस्तारले प्रभावित हुने सम्पत्ति तथा भू–मूल्यको यथार्थ र न्यूनतम मापदण्ड सार्वजनिक गर्न, क्षतिपूर्ति वितरण प्रक्रिया कसरी र कहिले हुने भन्ने स्पष्ट जानकारी टुङ्गोमा ल्याउन माग गरिएको छ । साथै ‘कस्ले कति पायो, किन पायो, कुन आधारमा पायो’ जस्ता महत्वपूर्ण विवरणहरू सार्वजनिक सूचना मार्फत पारदर्शी रूपमा उपलब्ध गराउन उल्लेख गरिएको छ ।
ज्ञापनपत्रमा क्षतिग्रस्त हुने नागरिकको सहमति, पूर्वसूचना, आवश्यक फारम तथा दर्ता प्रक्रिया सहज र उपलब्ध गराउनुपर्ने मागसमेत राखिएको छ ।
युवापुस्ताले बुझाएको ज्ञापनपत्रमा उल्लेख छ, ‘नागरिकको सहमति बिना, पारदर्शी जानकारी बिना, मूल्याङ्कनको आधार बिना सडक विस्तार गर्नु अन्यायपूर्ण व्यवहार हो। हामी पारदर्शिता, न्याय र क्षतिपूर्ति वितरणको स्पष्ट मापदण्ड कार्यान्वयन होस् भनेर यो माग राख्दैछौँ ।’
सडक विस्तारको तयारी तीव्र बन्दै गइरहेका बेला प्रभावित क्षेत्रका नागरिक, व्यवसायी तथा युवाहरू विभिन्न माध्यमबाट आवाज उठाइरहेका छन् । जेने–जेड पुस्ताले न्यायोचित प्रक्रिया सुनिश्चित भए मात्र सडक विस्तारले दीर्घकालीन प्रभावकारी परिणाम दिन सक्ने भएकाले मागलाई संवेदनशील रूपमा लिएर छिटो निष्कर्ष निकाल्न सम्बन्धित निकायलाई अनुरोध गरेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । मेटाका सामाजिक सञ्जाल प्लेटफर्महरू फेसबुक र इन्स्टाग्राम करिब डेढ घण्टाको विश्वव्यापी अवरोधपछि पुनः सञ्चालनमा आएका छन्। आइतबार दिउँसो करिब १:३० बजेदेखि देखिएको प्राविधिक समस्या दिउँसो ३ बजेतिर समाधान भएको हो।नेपालमा विशेषगरी डेस्कटप ब्राउजरबाट फेसबुक लगइन गर्दा प्रयोगकर्ताहरूले ‘Account Temporarily Unavailable’ भन्ने सन्देश देख्नुपरेको थियो। मोबाइल एपमा भने धेरैजसो
Loading brands...
