सजिलो पत्रिका
२०८२ साउन २३, शुक्रबार ०९:००
काठमाडौँ ।
एएफसी यू–२० महिला एसियन कप छनोट अन्तर्गत नेपालले आज आफ्नो दोस्रो खेल साउदी अरेबियासँग खेल्दैछ। पहिलो खेलमा आयोजक भुटानसँग बराबरीमा रोकिएको नेपाल आज पहिलो जित निकाल्ने लक्ष्यमा हुनेछ।भुटानको राजधानी थिम्पुस्थित चाङलिमिथाङ स्टेडियममा हुने यो खेल नेपाली समयअनुसार दिउँसो १:४५ बजे सुरु हुनेछ।
नेपालले आफ्नो पहिलो खेलमा भुटानसँग १–१ गोलको बराबरी खेल्दै अंक बाँडेको थियो। तर, आजको प्रतिद्वन्द्वी साउदी अरेबिया भने आफ्नो पहिलो खेलमा शक्तिशाली उत्तर कोरियासँग १५–० को फराकिलो अन्तरले पराजित भएको थियो।
साउदी अरेबियाको कमजोर प्रदर्शनले नेपाललाई जितको राम्रो अवसर भए पनि समूहको सबैभन्दा बलियो टोली उत्तर कोरियासँग खेल्न बाँकी नै छ। उत्तर कोरिया दुई पटकको विश्व च्याम्पियन टोली हो, जसले यो खेलको नतिजालाई नेपालका लागि झनै महत्त्वपूर्ण बनाएको छ।
प्रतियोगिताको नियमअनुसार, हरेक समूहको विजेता सिधै एसियन कपमा छनोट हुनेछ भने उत्कृष्ट दुई उपविजेताले पनि अर्को चरणमा स्थान बनाउनेछन्। त्यसैले, एसियन कप छनोटको सम्भावना जीवित राख्न नेपालका लागि आजको खेल जित्नैपर्ने दबाब छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । फ्रान्सलाई पराजित गर्दै स्पेन फिफा विश्वकप - २०२६ को फाइनलमा प्रवेश गरेको छ ।अमेरिकाको टेक्सासस्थित डलास स्टेडियममा भएको पहिलो सेमिफाइनल खेलमा स्पेनले फ्रान्सलाई २–० गोलले पराजित गर्दै फाइनलमा स्थान बनाएको हो ।स्पेनको जितमा मिकेल ओयारजाबाल र पेड्रो पोरोले गोल गरे । खेलको पहिलो गोल मिकेल ओयार्जाबालले गरेका थिए
लोड भइरहेको छ...
Loading brands...
