बाढीपहिरोले देशभरका ११ प्रमुख राजमार्ग अवरुद्ध

सजिलो पत्रिका

२०८३ साउन ०७, बिहिबार ०८:५१

अविरल वर्षापछि आएको बाढीपहिरोका कारण देशभरका ११ प्रमुख राजमार्ग बिहीबार बिहानसम्म पूर्ण रूपमा अवरुद्ध भएका छन्।
मेची, बीपी, अरनिको, मध्यपहाडी राजमार्ग, कालीगण्डकी करिडोर लगायतका सडक बन्द छन् भने भोजपुर र डडेल्धुराका केही सडक एकतर्फी सञ्चालनमा छन्।
प्रहरीले वर्षा जारी रहेकाले यात्रा अघि सडकको अवस्था बुझेर मात्र यात्रा गर्न सर्वसाधारणलाई आग्रह गरेको छ।

समाचार सारांशGenerated using AI.

काठमाडौं । अविरल वर्षासँगै आएको बाढी र पहिरोका कारण बिहीबार बिहानसम्म देशभरका ११ प्रमुख राजमार्गहरू पूर्ण रूपमा अवरुद्ध भएका छन्। नेपाल प्रहरीका अनुसार कोशी प्रदेश, बागमती प्रदेश, गण्डकी प्रदेश, कर्णाली र सुदूरपश्चिम प्रदेशका विभिन्न स्थानमा यातायात ठप्प भएको हो।

अवरुद्ध हुनेहरूमा मेची राजमार्ग (इलाम), मध्यपहाडी राजमार्ग (खोटाङ), बीपी राजमार्ग (सिन्धुली र काभ्रे), अरनिको राजमार्ग (सिन्धुपाल्चोक), कान्तिलोकपथ (मकवानपुर), र कालीगण्डकी करिडोर (बागलुङ) लगायत रहेका छन्। यस्तै, बेसीँशहर–मनाङ, बेनी–जोमसोम र भेरी करिडोर पनि पूर्ण रूपमा बन्द छन्। भोजपुर र डडेल्धुराका केही सडक खण्डहरू भने एकतर्फी मात्र सञ्चालनमा छन्।

प्रहरीले वर्षा जारी रहेकाले बाढी र पहिरोको जोखिम कायमै रहेको जनाएको छ। सडकको अवस्थाबारे नजिकको प्रहरी कार्यालयमा जानकारी लिएर मात्र यात्रा तय गर्न प्रहरीले सर्वसाधारणलाई आग्रह गरेको छ।

यो समाचारमा

बागमती प्रदेश4 more

ट्यागहरू

#बागमती प्रदेश #अविरल वर्षा #बाढी र पहिरो #नेपाल प्रहरी #सुदूरपश्चिम प्रदेश

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

शिक्षा र स्वास्थ्य समता शुल्क पूर्ण रूपमा छुट दिने सरकारको निर्णय

काठमाडौं । सरकारले शिक्षा समता शुल्क र स्वास्थ्य समता शुल्क पूर्ण रूपमा छुट दिने निर्णय गरेको छ । बुधबार बसेको मन्त्रिपरिषद् बैंठकले आर्थिक ऐन २०८३ को दफा १८ को उपदफा १ बमोजिम शिक्षा समता शुल्क र स्वास्थ्य समता शुल्क पूर्ण रूपमा छुट दिने निर्णय गरेको हो । अर्थमन्त्री डा. स्वर्णिम