काठमाडौँ ।
फिफा विश्वकप २०२६ अन्तर्गत बुधबार बिहान सम्पन्न खेलमा अर्जेन्टिनाले अल्जेरियालाई ३-० गोल अन्तरले पराजित गर्दै शानदार सुरुवात गरेको छ। अर्जेन्टिनाको जितमा कप्तान लियोनेल मेस्सीले निर्णायक ह्याट्रिक गरे।
मेसीले खेलको १७औँ, ६०औँ र ७६औँ मिनेटमा गोल गर्दै आफ्नो विश्वकप करियरको पहिलो ह्याट्रिक पूरा गरे। यस ह्याट्रिकसँगै मेसीले विश्वकप इतिहासमा सर्वाधिक १६ गोल गर्ने जर्मनीका मिरोस्लाभ क्लोजको कीर्तिमान बराबरी गरेका छन्। साथै, मेसी छैटौँ विश्वकप खेल्ने विश्वकै पहिलो खेलाडी समेत बनेका छन्।
यो जितसँगै समूह 'जे' मा रहेको अर्जेन्टिनाले ३ अंक जोडेको छ। अर्जेन्टिनाले अब आफ्नो दोस्रो खेल जुन २२ मा अस्ट्रियासँग र तेस्रो खेल जुन २८ मा जोर्डनसँग खेल्ने तालिका छ। पराजित अल्जेरियाले भने जुन २३ मा जोर्डनको सामना गर्नेछ।