सजिलो पत्रिका
२०८३ असार ०३, बुधबार १३:४६
काठमाडौँ ।
नेपाल कम्युनिष्ट पार्टी (एमाले)की सांसद यशोदा कुमारी यादवले प्रतिनिधिसभाका ९० प्रतिशत महिला सांसदहरू साइबर बुलिङको शिकार भइरहेको भन्दै सदनको ध्यानाकर्षण गराएकी छन्। बुधबारको बैठकमा बोल्दै उनले महिला सांसदहरूलाई सभामुखसँग जोडेर सामाजिक सञ्जालमा भ्रामक भिडियो र फोटोहरू फैलाउने प्रवृत्तिप्रति कडा आपत्ति जनाइन्।
सांसद यादवले संसदभित्रको सामान्य हाँसो वा हाउभाउलाई लिएर महिला सांसदहरूको चरित्र हत्या गर्ने प्रयास भइरहेको बताइन्। "एउटा सामान्य हाँसोसँग जोडेर यस्तो गर्दा संसद नै लज्जित भएको छ, हाम्रो समाज कहाँ जाँदै छ?" उनले प्रश्न गरिन्। यस्ता गतिविधिले महिला जनप्रतिनिधिहरूको मानमर्दन गरेको भन्दै उनले साइबर बुलिङ रोक्न र दोषीमाथि कारबाहीका लागि सरकार र सदनको गम्भीर ध्यानाकर्षण गराएकी छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । युवा, श्रम तथा रोजगारमन्त्री रामजी यादवले संघ, प्रदेश र स्थानीय तहको सहकार्यमा स्वदेशमै रोजगारीका अवसर सिर्जना गर्न सरकार सक्रिय रूपमा लागिपरेको बताएका छन्। बुधबार प्रतिनिधिसभामा मन्त्रालयको बजेटमाथि सांसदहरूले उठाएका प्रश्नहरूको जवाफ दिँदै मन्त्री यादवले रोजगारी प्रवर्द्धनका लागि आवश्यक नीतिगत र संरचनागत जग बसाल्ने काम भइरहेको जानकारी दिए।मन्त्री यादवले 'राष्ट्रिय
लोड भइरहेको छ...
Loading brands...
