प्रियंका दुतराज
२०८३ वैशाख ०६, आइतबार १७:०३
ऐतिहासिक कालखण्डमा मुलुकको हरेक लोकतान्त्रिक आन्दोलनको नेतृत्व गरेको नेपाली काँग्रेस यतिबेला आफ्नो इतिहासकै सबैभन्दा कठिन मोडमा आइपुगेको छ । आन्तरिक कलह, गुटबन्दी र नेतृत्वको टकरावका कारण देशकै पुरानो यो पार्टी अहिले औपचारिक फुटको संघारमा पुगेको संकेतहरू देखिएका छन् ।
पार्टीभित्रको विवाद पछिल्लो पटक २ वैशाख २०८३ मा तब सतहमा आयो, जब नेपाली कांग्रेसको केन्द्रीय अनुशासन समितिले उपसभापति पूर्ण बहादुर खड्कालाई स्पष्टीकरण सोध्यो। समितिले खड्का अब उपसभापति पदमा नरहेको दाबी गर्दै पत्र काटेपछि संस्थापन र इतर पक्षबीचको दूरी झनै बढेको छ । यता, खड्काले भने आफू अझै आधिकारिक उपसभापति रहेको जिकिर गर्दै अनुशासन समितिको निर्णय र पत्रलाई ठाडै अस्वीकार गरिदिएका छन् ।
कांग्रेसभित्रको भुसको आगो ’जेनजी आन्दोलन’ पछिको विशेष महाधिवेशनबाट सल्किएको हो । उक्त महाधिवेशनबाट युवा नेता गगन थापा सभापतिमा निर्वाचित भए पनि पूर्वसभापति शेर बहादुर देउबा र नेता डॉ. शेखर कोईराला समूहले त्यसलाई स्वीकार गरेनन् । निर्वाचनको परिणामलाई लिएर उत्पन्न विवादका कारण अहिले कांग्रेस देउवा, थापा र कोइराला गरी तीन स्पष्ट धारमा विभाजित भएको छ ।
यो लडाइँ अहिले निर्वाचन आयोग र अदालतको ढोकासम्म पुगेको छ । कानुनी रूपमा पार्टी कसको हुने भन्ने विषय विचाराधीन अवस्थामा छ । यता भर्खरै सम्पन्न निर्वाचनमा कांग्रेसले लज्जास्पद पराजय भोग्नुप¥यो । कमजोर प्रतिपक्षी भूमिका र चुनावी हारले कार्यकर्तामा चरम निराशा पैदा गरेको छ ।
पार्टीभित्रको अविश्वास यतिसम्म गहिरिएको छ कि,अब एकताको सम्भावना लगभग समाप्त भएको विश्लेषण गर्न थालिएको छ । निकट स्रोतका अनुसार, वर्तमान सभापति गगन थापा, पूर्वसभापति शेरबहादुर देउवा र नेता शेखर कोइराला तीनै जनाले आ–आफ्नो नेतृत्वमा नयाँ राजनीतिक दल गठनका लागि आन्तरिक गृहकार्य र परामर्श तीव्र पारेका छन् ।
राजनीतिक विश्लेषकहरूका अनुसार, कांग्रेसको यो विग्रहले केवल एउटा पार्टीलाई मात्र होइन, समग्र मुलुकको लोकतान्त्रिक प्रणाली र शक्ति सन्तुलनमै गम्भीर असर पार्न सक्छ । तर, शीर्ष नेताहरूबीचको अहंकार र गुटगत स्वार्थका कारण ’बीपीको कांग्रेस’ जोगाउनु अहिलेका लागि फलामको चिउरा चपाउनु सरह भएको छ । यदि समयमै संवाद र निकास ननिस्कने हो भने, नेपाली कांग्रेसको नाम र चुनाव चिह्न ’रुख’ इतिहासको पानामा मात्र सीमित हुने खतरा बढेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
