सजिलो पत्रिका
२०८३ वैशाख ०१, मङ्गलबार १९:२८
काठमाडौँ
पूर्वप्रधानमन्त्री बाबुराम भट्टराईले नेपालमा परम्परागत राजनीतिक शक्तिहरूको अन्त्य भइसकेको दाबी गर्दै नयाँ पुस्ताको उदय भएको बताएका छन्। उनले अब मुलुकलाई एक्काइसौं शताब्दी सुहाउँदो ‘वैज्ञानिक मानववाद’ र ‘समुन्नत समाजवाद’ को मार्गमा अघि बढाउनुपर्नेमा जोड दिएका छन्।
भारतमा आयोजित ‘डा. राममनोहर लोहिया स्मृति व्याख्यान’ कार्यक्रममा प्रमुख वक्ताका रूपमा सम्बोधन गर्दै भट्टराईले प्रविधि र मानवीय मूल्यको संयोजनमार्फत नयाँ विश्व व्यवस्था निर्माण गर्नुपर्ने धारणा राखे। उनले नेपालमा हालै भएका राजनीतिक घटनाक्रम र युवाहरूको सक्रिय हस्तक्षेपलाई ऐतिहासिक मोडको रूपमा व्याख्या गरे।
उनका अनुसार युवापुस्ताले भ्रष्टाचार, कुशासन र आर्थिक असमानताविरुद्ध सशक्त आवाज उठाउँदै पुराना राजनीतिक शक्तिहरूलाई विस्थापित गर्ने प्रक्रिया अघि बढाएको छ। नयाँ नेतृत्वको उदयलाई उनले सकारात्मक परिवर्तनको संकेतका रूपमा लिँदै यसको सफलताको मापन सीमान्तकृत र उत्पीडित वर्गको हितमा गरिने कामले निर्धारण गर्ने बताए।
भट्टराईले आफूले अघि सारेको ‘वैज्ञानिक मानववाद’ अवधारणालाई प्रमाणमा आधारित नीति, वैज्ञानिक सोच र मानवीय करुणासँग जोडिएको दर्शनको रूपमा व्याख्या गरे। साथै, सोही आधारमा ‘समुन्नत समाजवाद’ को राजनीतिक तथा आर्थिक ढाँचा विकास गर्नुपर्ने आवश्यकता औँल्याए।
उनले आर्थिक असमानता घटाउने, समावेशी विकास सुनिश्चित गर्ने र लोकतन्त्रलाई जनस्तरसम्म मजबुत बनाउने दिशामा नयाँ पुस्ताले काम गर्नुपर्नेमा जोड दिए। साथै, वर्तमान विश्व परिवेशमा प्रविधिको विकाससँगै उत्पन्न हुने नयाँ चुनौतीहरूलाई मानवीय मूल्यमान्यताका आधारमा व्यवस्थापन गर्नुपर्ने उनको भनाइ छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
