सजिलो पत्रिका
२०८२ चैत १८, बुधबार २१:०५
काठमाडौँ
हवाई इन्धनको मूल्यवृद्धिसँगै नेपालमा आन्तरिक हवाई भाडा महँगिएको छ। नेपाल वायुसेवा सञ्चालक संघले बुधबार इन्धन सरचार्ज समायोजन गर्दै नयाँ भाडादर लागू गरेको हो, जसअनुसार अब ३३ सय रुपैयाँभन्दा कममा जहाज यात्रा गर्न नपाइने भएको छ।
नयाँ व्यवस्थाअनुसार विभिन्न गन्तव्यमा फ्युल सरचार्ज १ हजार ६०० रुपैयाँदेखि ५ हजार ४८० रुपैयाँसम्म बढाइएको छ। काठमाडौं–धनगढी रुटमा सबैभन्दा बढी ५ हजार ४८० रुपैयाँ सरचार्ज थपिएको छ। त्यस्तै, काठमाडौं–सुर्खेतमा ४ हजार २८५ रुपैयाँ, नेपालगञ्जमा ४ हजार ४५ रुपैयाँ, भद्रपुरमा ३ हजार ७२५ रुपैयाँ र भैरहवामा २ हजार ५५५ रुपैयाँ सरचार्ज कायम गरिएको छ।
यसैगरी, काठमाडौं–विराटनगरका लागि २ हजार ९८० रुपैयाँ, पोखराका लागि १ हजार ९७० रुपैयाँ र जनकपुरका लागि १ हजार ६०० रुपैयाँ फ्युल सरचार्ज निर्धारण गरिएको छ। इन्धनको मूल्यमा आएको वृद्धि अनुसार यो समायोजन गरिएको संघले जनाएको छ।
नयाँ भाडादर अनुसार काठमाडौंबाट सञ्चालन हुने ट्रंक रुटमा अब न्यूनतम भाडा ३ हजार ३४४ रुपैयाँदेखि सुरु हुने भएको छ भने अधिकतम भाडा २३ हजार ५९ रुपैयाँसम्म पुग्नेछ। काठमाडौं–सिमरा रुटमा सबैभन्दा कम र काठमाडौं–धनगढी रुटमा सबैभन्दा बढी भाडा निर्धारण गरिएको छ।
इन्धनको मूल्य निरन्तर बढिरहँदा हवाई यात्रा महँगिँदै जाने संकेत देखिएको छ, जसले यात्रुहरूको खर्चमा थप भार पर्ने निश्चित देखिन्छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जल तथा मौसम विज्ञान विभागले ‘जुलाई’ महिनामा देशभर औसतभन्दा कम वर्षा मापन भएको जनाएको छ ।जुलाई महिनामा औसत ५५८.८ मिलिमिटर वर्षा हुनुपर्नेमा हालसम्म ३०४.३० मिलिमिटर भएको छ । विभागका अनुसार पछिल्लो २४ घण्टामा देशका ४१४ वर्षा मापन केन्द्रमध्ये ३७२ केन्द्रमा वर्षा भएको छ ।सो अवधिमा नेपालभर औसत ११।७
लोड भइरहेको छ...
Loading brands...
