नवनिर्वाचित सदस्यको शपथ
सजिलो पत्रिका
२०८२ चैत ०५, बिहिबार १७:२०
काठमाडौँ। प्रतिनिधि सभाका नवनिर्वाचित सदस्यको शपथ आउँदो चैत १२ गते हुने भएको छ । संसद् सचिवालयले बिहीबार संसद्मा प्रतिनिधित्व गर्ने दलका प्रतिनिधिहरूसँगको छलफल गरेको थियो । आउँदो चैत १२ गते शपथ गराउने गरी छलफल भएको संसद् सचिवालयका प्रवक्ता एकराम गिरीले जानकारी दिए ।
“शपथ ग्रहणको विषय हो । यही चैत १२ गते दिउँसो २ बजे गर्ने गरी कुरा भएको छ,” उनले भने, “निर्वाचन आयोगबाट जानकारी आएपछि औपचारिक निर्णय गर्छौं ।”
त्यस्तै, संसदीय दलका कार्यालयबारे पनि सचिवालयले जानकारी गराएको छ । “संसद् सचिवालयमा जे उपलब्ध छ । त्यहीअनुसाको कार्यालय व्यवस्थापन गरेका छौँ । दलको आकारअनुसारको कार्यालयको व्यवस्था गरेका छौँ ” गिरीले भने ।
संसद्को सबैभन्दा ठूलो दल राष्ट्रिय स्वतन्त्र पार्टी (रास्वपा)लाई पहिले नेपाल कम्युनिष्ट पार्टी (माओवादी)लाई दिएको कार्यालयको व्यवस्था सचिवालयले मिलाएको छ । त्यसपछिका दललाई उनीहरूको संख्याका आधारमा संसद् सचिवालयले कार्यालयको व्यवस्थापन गरेको छ । छलफलमा राष्ट्रिय स्वतन्त्र पार्टी (रास्वपा), नेपाली कांग्रेस, नेकपा (एमाले), नेपाली कम्युनिस्ट पार्टी (नेकपा), श्रम संस्कृति पार्टी, राष्ट्रिय प्रजातन्त्र पार्टी (राप्रपा)का प्रतिनिधि सहभागी थिए ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
