सजिलो पत्रिका
२०८२ पुस २२, मङ्गलबार १८:१८
काठमाडौँ
नेपाल कम्युनिष्ट पार्टी (एमाले)का नेता ईश्वर पोखरेलले एघारौँ महाधिवेशनको परिणामलाई स्वीकार गर्नु नै प्रतिस्पर्धात्मक राजनीतिको मूल मर्म भएको बताएका छन् ।
महाधिवेशनमा पराजित भएपछि नेपाल न्युज बैंकसँग आफ्नो धारणा स्पष्ट राख्दै पोखरेलले प्रतिस्पर्धात्मक राजनीतिमा सहभागी हुने जोकोहीले त्यसबाट आउने परिणामलाई स्वीकार गर्न सक्नुपर्ने बताए ।
‘प्रतिस्पर्धामा जानु भनेको जितहार दुवैलाई स्वीकार गर्ने तयारीसहित अगाडि बढ्नु हो । परिणाम स्वीकार गर्न नसक्ने वा स्वीकार गर्न आँट नगर्नेहरू वास्तवमा प्रतिस्पर्धात्मक राजनीति गर्ने मान्छे हुँदैनन्,’ उनले भने ।
उनले प्रतिस्पर्धात्मक राजनीतिका आफ्नै चुनौती र समस्याहरू हुने उल्लेख गरे । ती विषयमा अलग–अलग छलफल गर्न सकिने भएपनि समग्र रूपमा प्रतिस्पर्धाबाट आएको परिणामलाई स्वीकार गर्दै अघि बढ्नु लोकतान्त्रिक संस्कारको अनिवार्य पक्ष भएको उनको भनाइ थियो ।
पोखरेलले जनताको बहुदलीय जनवाद पार्टी जीवनको लोकतन्त्रीकरणसँग जोडिएको अवधारणा भएको उल्लेख गर्दै त्यसको एक महत्वपूर्ण अंग प्रतिस्पर्धात्मक राजनीति नै भएको बताए । ‘प्रतिस्पर्धालाई स्वीकार गर्नु भनेको लोकतन्त्रलाई आत्मसात् गर्नु हो,’ उनले बताए ।
त्यस्तै, उनले नेकपा एमाले मात्र नभई नेपालका सबै राजनीतिक दल र तिनका नेताहरूले लोकतान्त्रिक बाटोबाटै अघि बढ्नुपर्ने आवश्यकता औँल्याए ।
पार्टीभित्रको संरचना र नेतृत्व चयन प्रक्रियासमेत लोकतान्त्रिक अभ्यासको अर्को स्वरूप भएको बताउँदै पोखरेलले नेकपा एमालेले यस मान्यतालाई स्वीकार गरेर नै अगाडि बढिरहेको स्पष्ट पारे ।
एमालेले प्रतिस्पर्धात्मक राजनीतिलाई स्वीकार गरेको छ र त्यसलाई अझ सुदृढ गर्दै अगाडि बढाउन चाहन्छ, पोखरेलले भने ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
