सजिलो पत्रिका
२०८२ कात्तिक १८, मङ्गलबार १३:४६
राष्ट्रिय प्रजातन्त्र पार्टी (राप्रपा) भित्रको आन्तरिक किचलो बढिरहेका बेला जुम्लाबाट प्रतिनिधि सभा मा निर्वाचित सांसद ज्ञानेन्द्र शाहीले पार्टी नेतृत्वलाई तत्काल गुट-उपगुटका भेला बन्द गरी एकजुट हुन कडा चेतावनीसहितको अपिल गरेका छन्।
अध्यक्ष राजेन्द्र प्रसाद लिङ्देन र महामन्त्री डा. धवल शमशेर राणालाई लक्षित गर्दै शाहीले सामाजिक सञ्जालमार्फत सार्वजनिक रूपमा आफ्नो असन्तुष्टि र आक्रोश व्यक्त गरेका हुन्। उनले नेताहरूलाई व्यक्तिगत स्वार्थ र अहमलाई त्याग्न र राष्ट्रिय हितलाई प्राथमिकता दिन आग्रह गरेका छन्।
शाहीले भनेका छन्, "राप्रपा पार्टी अध्यक्ष राजेन्द्र लिङ्देन होस् वा पार्टी महामन्त्री धवल शमशेर राणा होस्, यसरी गुट-उपगुटका भेला तत्काल बन्द गर्नुहोस। यस्तो अवस्थामा राष्ट्रवादीहरू एक ढिक्का हुने हो, फुटेर होइन, जुटेर अगाडि बढ्ने हो। यदि तपाईंहरू मिलेर जान सक्दैनौ भने युवाहरूको भविष्य बर्बाद गर्ने तपाईंहरूको अधिकार छैन।"
ज्ञानेन्द्र शाहीको यो अपिलले राप्रपाभित्र चुलिएको विवादले पार्टीको भविष्यमाथि नै प्रश्नचिह्न खडा गरेको देखाउँछ। विशेषगरी, युवा पुस्ताको प्रतिनिधित्व गर्ने शाहीले नेताहरूलाई राष्ट्रवादी शक्तिलाई कमजोर नबनाउन र जनताको आशामाथि तुषारापात नगर्न सचेत गराएका छन्।
शाहीको अपिलले गुटबन्दी तत्काल बन्द गर्नुपर्ने, एकतामा जोड दिनुपर्ने र युवाको भविष्यको चिन्तालाई सम्बोधन गर्नुपर्नेमा जोड दिएको छ। राप्रपामा आन्तरिक द्वन्द्वका कारण केही नेताहरूले पार्टी छाड्ने चेतावनी दिएको तथा नेतृत्वप्रति असन्तुष्टि पोखेको अवस्थामा शाहीको यो अपिलले पार्टीभित्रको संकटलाई थप उजागर गरेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
