सजिलो पत्रिका
२०८२ कात्तिक १६, आइतबार १६:५०
काठमाडौँ महानगरपालिकाले थापाथलीस्थित ट्राफिक प्रहरी प्रभागको कार्यालय भत्काउन पुर्याएको डोजर जिल्ला प्रशासन कार्यालय काठमाडौंको हस्तक्षेपपछि फर्किएको छ। प्रशासनले तत्काल प्रहरीलाई नहटाउन महानगरलाई पत्र पठाएपछि महानगरपालिका आफ्नो निर्णयबाट पछि हट्दै डोजर फिर्ता गरेको हो।
महानगरपालिकाले शनिबार बेलुकी जानकारी दिएर ट्राफिक प्रहरी कार्यालय खाली गर्न भनेको थियो। ३० सालदेखि गुठीको जग्गामा रहेको उक्त कार्यालय भत्काउने महानगरको निर्णयपछि ट्राफिक प्रहरीमा अन्योलता छाएको थियो। उपत्यका ट्राफिक प्रहरी प्रमुख एसएसपी नवराज अधिकारीका अनुसार उक्त कार्यालयमा अहिले पनि झन्डै एक सय जना प्रहरी कार्यरत छन्।
ट्राफिक प्रहरीलाई हटाउने महानगरको निर्णयबारे ट्राफिक प्रहरी महाशाखाले प्रमुख जिल्ला अधिकारी ईश्वरराज पौडेलसँग छलफल गरेको थियो। त्यसपछि प्रशासनले प्रहरी बस्नका लागि अन्य विकल्प नभएको अवस्थामा तत्काल प्रहरीलाई नहटाउने भन्दै महानगरलाई पत्र पठाएको उपत्यका प्रहरी प्रमुख एआईजी दानबहादुर कार्कीले बताएका छन्।
महानगरपालिकाले आज ट्राफिक प्रहरी कार्यालय भत्काउने योजना बनाए पनि, सोही क्षेत्रमा रहेका अन्य अनधिकृत संरचनाहरूमा भने शुक्रबार डोजर चलाएको थियो।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । बागमती प्रदेश सरकारलाई दिएको समर्थन फिर्ता लिँदै नेकपा एमाले सरकारबाट बाहिरिने भएको छ। यस विषयमा औपचारिक निर्णय गर्न र आगामी रणनीति तय गर्न आइतबार काठमाडौँमा एमाले बागमती प्रदेश संसदीय दलको बैठक बसिरहेको छ।एमालेले शनिबार नै मुख्यमन्त्री इन्द्र बहादुर बानियाँलाई सरकारलाई दिएको समर्थन फिर्ता लिने निर्णयबारे जानकारी गराइसकेको छ।
लोड भइरहेको छ...
Loading brands...
