विप्लवको आह्वान-कात्तिक २० गते काठमाडौँमा स्वाधीनता र समाजवादका पक्षधर भेला होऔँ

काठमाडौँ।

नेपाल कम्युनिष्ट पार्टी (एमाले)का महासचिव नेत्रविक्रम चन्द ‘विप्लव’ ले स्वाधीनता र समाजवादका पक्षधरहरूलाई यही कात्तिक २० गते काठमाडौंमा भेला हुन आह्वान गरेका छन्।

‘नेपाललाई अरूले होइन, हामी आफैँले फेर्ने हो’ भन्दै उनले नेपाली समाजवादीहरूसँग छलफल गर्न काठमाडौं आउन अपिल गरेका हुन्। सोमबार बिहान सामाजिक सञ्जालमार्फत गरेको आह्वानमा उनले कार्यक्रमको विस्तृत विवरण भने खुलाएका छैनन्।

उनले लेखेका छन्, "नेपाललाई अरूले होइन, हामी आफैँले फेर्ने हो। अरूले होइन, नेपालीले नै चलाउने हो। जब भ्रष्ट, कमिसनखोर, तस्कर, दलाल र परजीवीहरू समाप्त हुनेछन्, तब देशले आत्मसम्मानसहित उन्नति हासिल गर्नेछ। स्वाधीनता र समाजवादका पक्षमा उभिन कात्तिक २० गते काठमाडौँमा भेटौँ, साथीहरू।"