सजिलो पत्रिका
२०८२ कात्तिक ०९, आइतबार १९:२९
सुरुमा संस्कृति, पर्यटन तथा नागरिक उड्डयन मन्त्रालयको नेतृत्व दिने भनिएको थियो।
पछि आफूलाई भूमिसुधार मन्त्रालयको जिम्मेवारी लिन प्रस्ताव गरेपछि आफूले अस्वीकार गरेको उनको भनाइ छ ।
काठमाडौँ । गणपतिलाल श्रेष्ठले मन्त्रालय परिवर्तन गरिएपछि आफूले मन्त्री पद अस्वीकार गरेको बताएका छन् ।
श्रेष्ठका अनुसार, उनलाई सुरुमा संस्कृति, पर्यटन तथा नागरिक उड्डयन मन्त्रालयको नेतृत्व दिने भनिएको थियो । तर, पछि आफूलाई भूमिसुधार मन्त्रालयको जिम्मेवारी लिन प्रस्ताव गरेपछि आफूले अस्वीकार गरेको उनको भनाइ छ ।
उनले शनिबार (कात्तिक ८ गते) प्रधानमन्त्रीले नै आफूलाई संस्कृति, पर्यटन तथा नागरिक उड्डयन मन्त्रालयका लागि तयारी गर्न भनेको पनि दाबी गरेका छन् । तर, अचानक आफूलाई जानकारी नदिई मन्त्रालय फेरिएको उनको आरोप छ ।
आइतबार साँझ एक विज्ञप्तिमार्फत श्रेष्ठले आफूलाई गृहमन्त्रीले ठूलै शक्ति लागेको बताएको पनि दाबी गरेका छन् ।
"...केही समयपछि गृहमन्त्रीज्यूले आफूलाई फोन गरेको र उहाँले तपाईंविरुद्ध ठूलै शक्ति लागेको र प्रधानमन्त्रीज्यूलाई भेट्न सुझाव दिएको र सो पश्चात् प्रधानमन्त्री सचिवालयमा फोन गरेको र सो पछि सम्माननीयज्यूलाई भेटी आफूलाई जानकारी नै नदिई के आधारमा मन्त्रालय हेरफेर गर्नुभएको भनी सोधेको र आफू मन्त्री बन्नका लागि नआएको तर आफ्नो विज्ञताले योगदान दिन र यो संकटमा देशका लागि लामो समय संघर्ष गरेको नागरिकको हिसाबले सेवा गर्न आएको हो भनी बताएको थिएँ । सो पछि उहाँले मैले अरूलाई वचन दिइसकेको जानकारी गराउनुभयो । मैले हिजो बेलुका मलाई दिनुभएको वचन चाहिँ के ? भनी प्रश्न गर्दा उहाँले कुनै जवाफ नदिई अर्को तिर हेर्नुभयो," विज्ञप्तिमा भनिएको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
