सजिलो पत्रिका
२०८२ असोज ०८, बुधबार ११:०३
दसैँको चहलपहलसँगै काठमाडौँलगायतका सहरबाट घर फर्कने यात्रुहरूको चाप बढिरहेका बेला भौतिक पूर्वाधार तथा यातायात मन्त्री कुलमान घिसिङले सुरक्षित यात्राका लागि चालक र यात्रु दुवैलाई विशेष अनुरोध गरेका छन्। बुधबार बिहान सामाजिक सञ्जालमार्फत उनले चाडपर्वको यात्रालाई सुरक्षित र सुखद बनाउन महत्वपूर्ण सुझावहरू दिएका हुन्।
मन्त्री घिसिङले "तपाईंको जीवन र तपाईंको परिवार राष्ट्रको अमूल्य सम्पत्ति हो" भन्दै हतार नगरी, सजग भई र नियम पालना गरेर यात्रा गर्न आग्रह गरेका छन्।
चालकहरूलाई मन्त्री घिसिङका चार अनुरोध:
गति नियन्त्रणमा राख्नुहोस्: तीव्र गति दुर्घटनाको मुख्य कारण भएकाले सवारीको गतिलाई सधैँ नियन्त्रणमा राख्न उनले आग्रह गरेका छन्।
मदिरा सेवनपश्चात् सवारी नचलाउनुहोस्: मदिरा सेवन गरी सवारी चलाउनु आफू र अरूका लागि पनि जोखिमपूर्ण हुने भएकाले यस्तो कार्य नगर्न कडा निर्देशन दिएका छन्।
विश्राम लिएर मात्र लामो यात्रामा निस्कनुहोस्: लामो यात्रामा निस्कनुअघि पर्याप्त विश्राम लिन र थकान महसुस भएमा बीचमा पनि आराम गर्न उनले सुझाव दिएका छन्।
यात्रुलाई आफ्नो परिवारझैँ सम्झेर सुरक्षित गन्तव्यसम्म पुर्याउनुहोस्: यात्रुहरूको सुरक्षालाई उच्च प्राथमिकतामा राख्दै उनीहरूलाई सुरक्षित गन्तव्यसम्म पुर्याउने जिम्मेवारी चालकको भएको उनले स्मरण गराएका छन्।
यात्रु दाजुभाइ तथा दिदीबहिनीहरूलाई मन्त्री घिसिङका चार अनुरोध:
क्षमताभन्दा बढी सवारीमा नचढौँ: क्षमताभन्दा बढी यात्रु बोकेका सवारीसाधनमा यात्रा नगर्न र आफ्नो जीवनलाई जोखिममा नपार्न उनले आग्रह गरेका छन्।
चालकलाई दबाब नदिई शान्त र सुरक्षित यात्रा गर्न प्रोत्साहन गरौँ: चालकलाई तीव्र गतिमा चलाउन वा नियम उल्लंघन गर्न दबाब नदिन र शान्त तथा सुरक्षित यात्राका लागि प्रोत्साहन गर्न उनले अनुरोध गरेका छन्।
यात्राको क्रममा आवश्यक सुरक्षा र सावधानी अपनाऔँ: यात्रा गर्दा सिट बेल्ट लगाउने, झ्यालबाट हात वा टाउको बाहिर ननिकाल्ने जस्ता सामान्य सुरक्षाका उपायहरू अपनाउन उनले सुझाव दिएका छन्।
सुरक्षित र खुसीसाथ गन्तव्यमा पुग्नु नै हाम्रो उद्देश्य हो: यस दसैँमा केवल गन्तव्यमा पुग्नु मात्र नभई सुरक्षित र खुसीसाथ पुग्नु पनि महत्वपूर्ण उद्देश्य भएको उनले बताएका छन्।
मन्त्री घिसिङले "सडक सुरक्षा नै जीवन सुरक्षा हो, जीवन सुरक्षा नै परिवारको खुसी हो र परिवारको खुसी नै हाम्रो राष्ट्रको शक्ति हो" भन्दै सबैलाई दसैँको हार्दिक शुभकामना व्यक्त गरेका छन्। भौतिक पूर्वाधार तथा यातायात मन्त्रालयका साथै सहरी विकास र ऊर्जा, जलस्रोत तथा सिँचाइ मन्त्रालयको जिम्मेवारी पनि घिसिङले नै सम्हालिरहेका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।काठमाडौं उपत्यका ट्राफिक प्रहरी कार्यालयले त्रिपुरेश्वरस्थित राहदानी विभाग अगाडि गणेश नेपालीले गरेको आत्मदाह प्रयासलाई ट्राफिक जरिवानासँग जोडेर गरिएको प्रचारलाई 'तथ्यहीन र भ्रामक' भनेको छ।असार २५ गते मुगुका २५ वर्षीय गणेश नेपालीले गरेको आत्मदाह प्रयासमा ट्राफिक कारबाहीको कुनै सम्बन्ध नरहेको प्रहरीले स्पष्ट पारेको हो। ट्राफिक प्रहरी कार्यालय रामशाहपथले जारी गरेको विज्ञप्तिअनुसार,
लोड भइरहेको छ...
Loading brands...
