सजिलो पत्रिका
२०८२ भदौ ३०, सोमबार १९:५८
गोदावरी नगरपालिका, ललितपुर–३ का वडाअध्यक्ष राज घिमिरेले यस वर्षको दशैं पर्व नमनाउने घोषणा गरेका छन् । देशमा विद्यमान दुःखद परिस्थितिलाई मध्यनजर गर्दै उनले दशैंमा खर्च हुने रकम ‘जेनजी’ आन्दोलनका क्रममा घाइते भएकाहरूको उपचार तथा ध्वस्त भएका प्रहरी चौकीहरूको पुनर्निर्माणमा प्रयोग गर्ने निर्णय गरेका हुन् ।
सोही योजनाअनुरूप वडा अध्यक्ष घिमिरेले गोदावरी बसपार्कमा निर्माणाधीन अवस्थामा रहेको प्रहरी चौकीलाई सहयोगस्वरूप ५० हजार रुपैयाँ हस्तान्तरण गरेका छन् । गत भदौ २४ गते प्रदर्शनकारीहरूले आगजनी गर्दा उक्त चौकी पूर्ण रूपमा नष्ट भएको थियो ।
वडा अध्यक्ष घिमिरेले समुदायकै सुरक्षासँग जोडिएको संरचना पुनःस्थापना हुनु सबै नागरिकको जिम्मेवारी रहेको बताएका छन् । उनले भने, "उत्सवभन्दा पनि घाइतेहरूको उपचार र प्रहरी चौकी पुनर्निर्माण अहिलेको आवश्यकता हो ।"
स्थानीयवासीहरूले वडा अध्यक्ष घिमिरेको यस निर्णयलाई स्वागत गर्दै यो पहलले पुनर्निर्माण कार्यमा थप गति ल्याउने विश्वास व्यक्त गरेका छन् । उनको यो कदमले विपत्तिको समयमा समुदायमा सकारात्मक सन्देश प्रवाह गरेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । बागमती प्रदेश सरकारलाई दिएको समर्थन फिर्ता लिँदै नेकपा एमाले सरकारबाट बाहिरिने भएको छ। यस विषयमा औपचारिक निर्णय गर्न र आगामी रणनीति तय गर्न आइतबार काठमाडौँमा एमाले बागमती प्रदेश संसदीय दलको बैठक बसिरहेको छ।एमालेले शनिबार नै मुख्यमन्त्री इन्द्र बहादुर बानियाँलाई सरकारलाई दिएको समर्थन फिर्ता लिने निर्णयबारे जानकारी गराइसकेको छ।
लोड भइरहेको छ...
Loading brands...
