सरकारद्वारा जेनजी पुस्तालाई आन्दोलन स्थगित गर्न आग्रह

सजिलो पत्रिका

२०८२ भदौ २४, मङ्गलबार ०७:१३

सरकारले जेनजी पुस्तालाई आन्दोलन स्थगित गरी शान्ति सुव्यवस्था कायम गर्न सहयोग गर्न आग्रह गरेको छ।
आन्दोलनमा घुसपैठ गरी तोडफोड गर्ने तत्वहरूको छानबिनका लागि समिति गठन गर्ने र मृतक परिवारलाई राहत तथा घाइतेहरूको उपचारको व्यवस्था गर्ने निर्णय गरेको छ।
सरकारले युवा पुस्ताका जायज माग सम्बोधन गर्न संवादमार्फत समाधान खोज्ने प्रतिबद्धता व्यक्त गरेको छ।

समाचार सारांशGenerated using AI.

काठमाडौँ ।

नेपाल सरकारले जेनजी पुस्तालाई जारी आन्दोलन स्थगित गरी शान्ति सुव्यवस्था कायम गर्न सहयोगका लागि आग्रह गरेको छ। मन्त्रिपरिषद्को पछिल्लो बैठकले आन्दोलनमा घुसपैठ गरी सार्वजनिक सम्पत्ति तोडफोड तथा अराजकता मच्चाउने तत्वहरूको पहिचान गरी घटनाको छानबिन गर्न यथाशीघ्र समिति गठन गर्ने निर्णय पनि गरेको छ।

मन्त्रिपरिषद् बैठकको निर्णय सार्वजनिक गर्दै सञ्चार तथा सूचना प्रविधि मन्त्री पृथ्वी सुब्बा गुरुङले आन्दोलनका क्रममा ज्यान गुमाएकाप्रति श्रद्धाञ्जली व्यक्त गर्दै शोकाकुल परिवारजनमा समवेदना प्रकट गरे। उनले मृतकका परिवारलाई राहत तथा घाइतेहरूको उपचारको सम्पूर्ण व्यवस्था सरकारले मिलाउने जानकारी पनि दिए।

सरकारले युवा पुस्ताका जायज मागहरूलाई सम्बोधन गर्न तयार रहेको संकेत गर्दै, संवादको माध्यमबाट समस्या समाधान गर्न आह्वान गरेको छ।

यो समाचारमा

ट्यागहरू

#पृथ्वी सुब्बा गुरुङ #आन्दोलन #'जेनजि' पुस्ता

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

बागमती सरकारबाट बाहिरिँदै एमाले, ६ मन्त्रीले सोमबार सामूहिक राजीनामा दिने

काठमाडौं । बागमती प्रदेश सरकारलाई दिएको समर्थन फिर्ता लिँदै नेकपा एमाले सरकारबाट बाहिरिने भएको छ। यस विषयमा औपचारिक निर्णय गर्न र आगामी रणनीति तय गर्न आइतबार काठमाडौँमा एमाले बागमती प्रदेश संसदीय दलको बैठक बसिरहेको छ।एमालेले शनिबार नै मुख्यमन्त्री इन्द्र बहादुर बानियाँलाई सरकारलाई दिएको समर्थन फिर्ता लिने निर्णयबारे जानकारी गराइसकेको छ।