सजिलो पत्रिका
२०८२ भदौ ०९, सोमबार १२:४२
काठमाडौँ ।
सशस्त्र प्रहरी बलले बर्दियाबाट ४८ लाख रुपैयाँभन्दा बढी मूल्यको अवैध इलेक्ट्रोनिक भेप बरामद गरेको छ। भारततर्फ तस्करी गर्न लागिएको उक्त भेप शुक्रबार राति मधुवन नगरपालिकाबाट बरामद गरिएको हो।
जिल्लाको मधुवन नगरपालिका–५, फुलराम चोकबाट साइकलमा राखेर अवैध रूपमा भारत लैजाँदै गरेको अवस्थामा भेप बरामद गरिएको हो। शक्तिपुरस्थित सशस्त्र प्रहरीको बोर्डर आउट पोस्ट (बीओपी) बाट खटिएको गस्ती टोलीलाई देख्नासाथ तस्करहरू भेपका कार्टुन छोडेर भागेका थिए।
प्रहरीका अनुसार, बरामद गरिएका ८ वटा कार्टुनमा १ हजार ९२० थान भेप रहेका थिए। बरामद गरिएको भेप आवश्यक कारबाहीका लागि सम्बन्धित निकायमा बुझाउने तयारी भइरहेको सशस्त्र प्रहरीले जनाएको छ। साथै, फरार तस्करहरूको खोजी भइरहेको प्रहरीले बताएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । नक्कली भुटानी शरणार्थी प्रकरणमा पूर्वउपप्रधानमन्त्री टोपबहादुर रायमाझीलाई चार वर्ष कैद सजाय तोकिएको छ । जिल्ला अदालत काठमाडौँले आज चार वर्ष कैद सजाय र ४० हजार रुपैयाँ जरिवाना तोकेको हो ।न्यायाधिश तेजबहादुर खड्काको इजलासले सुनाएको सजाय आदेशअनुसार पूर्वगृहमन्त्री बालकृष्ण खाणलाई दुई वर्ष कैद सजाय र २० हजार रुपैयाँ जरिवाना
Loading brands...
