सजिलो पत्रिका
२०८२ भदौ ०६, शुक्रबार ०७:२१
काठमाडौँ ।
काठमाडौंमा डेंगु रोगको बढ्दो जोखिमलाई मध्यनजर गर्दै काठमाडौँ महानगरपालिकाले आज एकदिने विशेष अभियान सञ्चालन गरेको छ । ‘वाक एन्ड एक्ट’ नाम दिइएको यो मेगा अभियान बिहान ८ बजे राष्ट्रिय सभागृहबाट सुरु भएको हो ।
महानगरपालिकाको स्वास्थ्य विभाग प्रमुख दिपक कुमार केसीका अनुसार, अभियान महानगरका सबै वडाहरूमा एकैसाथ, एकै समयमा सञ्चालन भइरहेको छ । अभियानका क्रममा डेंगु सार्ने लामखुट्टेको बासस्थान खोजेर नष्ट गर्ने, पानी जम्न सक्ने सम्भावित ठाउँहरू सफा गर्ने र लामखुट्टेको टोकाइबाट बच्ने उपायबारे जनचेतना फैलाउने काम गरिनेछ ।
"हामीले लामखुट्टे बस्ने स्थानहरू नष्ट गर्ने र माइकिङमार्फत सर्वसाधारणलाई सचेत गराउने जस्ता कार्यक्रमहरू एकैपटक सबै वडामा सञ्चालन गरिरहेका छौं," प्रमुख केसीले भने ।
गत साउन २७ गते बसेको विभागीय बैठकको निर्णयअनुसार यो बृहत् अभियान आयोजना गरिएको हो । यसअघि महानगरपालिकाले हरेक हप्ताको शुक्रबार डेंगु नियन्त्रणका लागि यस्तै प्रकृतिको सरसफाइ तथा जनचेतनामूलक कार्यक्रम सञ्चालन गर्दै आएको थियो । पछिल्लो समय डेंगुको संक्रमण बढ्दै गएपछि नियन्त्रण प्रयासलाई थप प्रभावकारी बनाउन यो एकदिने मेगा अभियान सुरु गरिएको महानगरले जनाएको छ ।
महानगरले यस अभियानमा सक्रिय रूपमा सहभागी भई आफ्नो घर तथा टोल सफा राख्न सबै नगरवासीलाई अपिल समेत गरेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । बागमती प्रदेश सरकारलाई दिएको समर्थन फिर्ता लिँदै नेकपा एमाले सरकारबाट बाहिरिने भएको छ। यस विषयमा औपचारिक निर्णय गर्न र आगामी रणनीति तय गर्न आइतबार काठमाडौँमा एमाले बागमती प्रदेश संसदीय दलको बैठक बसिरहेको छ।एमालेले शनिबार नै मुख्यमन्त्री इन्द्र बहादुर बानियाँलाई सरकारलाई दिएको समर्थन फिर्ता लिने निर्णयबारे जानकारी गराइसकेको छ।
लोड भइरहेको छ...
Loading brands...
