सजिलो पत्रिका
२०८२ भदौ ०५, बिहिबार ०९:५९
काठमाडौँ ।
लामो समयदेखि विवादित बनेको विद्यालय शिक्षा विधेयकलाई अन्तिम रुप दिन संसदीय समितिको बैठक सुरु भएको छ। निजी विद्यालय सञ्चालकहरूको आन्दोलनकै बीच शिक्षा, स्वास्थ्य तथा सूचना प्रविधि समितिले आज विधेयकमाथिका विवादित विषय टुंग्याएर पारित गर्ने तयारी गरेको हो।
बिहान ८ बजेका लागि बोलाइएको बैठक केही ढिला गरी सुरु भएको हो। समितिको आजको कार्यसूची विधेयकमा रहेका विवादित विषयहरूमा सहमति जुटाएर त्यसलाई अन्तिम रूप दिने रहेको छ।
विधेयकमा प्रस्तावित निजी विद्यालयलाई क्रमशः गैरनाफामूलक बनाउने र विद्यार्थीलाई पूर्ण छात्रवृत्ति दिनुपर्ने प्रावधानमा मुख्य विवाद छ। यही व्यवस्थाको विरोधमा निजी विद्यालय सञ्चालकहरूले आन्दोलन सुरु गरिसकेका छन्।
यसअघि समितिले यी विवादित विषयहरूलाई थाँती राखेर प्रतिवेदन तयार पारेको भए पनि पछिल्ला छलफलहरूमा सहमति जुटाएको छ। समितिले निजी विद्यालयहरूलाई क्रमशः गैरनाफामूलक बनाउने र विद्यार्थी संख्याको आधारमा १० देखि १५ प्रतिशतसम्म पूर्ण छात्रवृत्ति दिनुपर्ने व्यवस्थामा सहमति कायम गरेको हो। आजको बैठकले सोही सहमतिलाई अनुमोदन गर्दै विधेयक पारित गर्ने अपेक्षा गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । बाग्मती नदीको कटानले टौदहपूर्वका केही घर परेका छन् । कीर्तिपुर नगरपालिका-६ स्थित टौदह उपत्यकाको प्रमुख पर्यटकीय गन्तव्यस्थलमध्ये एक हो । वाग्मतीले विगत दुई वर्षदेखि धार परिवर्तन गरी पश्चिमी किनाराको माटो कटान गर्न थालेपछिटौदहको पूर्व र दक्षिणतर्फका बस्ती जोखिममा परेका छन् ।टौदहका स्थानीयवासी मिलन खड्काले भने ‘बाग्मती नदीको कटानले
लोड भइरहेको छ...
Loading brands...
