सजिलो पत्रिका
२०८३ असार २५, बिहिबार १५:३८
प्रधानमन्त्री बालेन्द्र शाह (बालेन)ले निर्माण क्षेत्रका समस्या, भौतिक पूर्वाधार विकास र आर्थिक सुधारका सम्बन्धमा नेपाल निर्माण व्यवसायी महासङ्घका पदाधिकारीहरूसँग छलफल गरेका छन्। प्रधानमन्त्री तथा मन्त्रिपरिषद्को कार्यालयमा भएको भेटमा व्यवसायीहरूले भुक्तानीमा ढिलाइ, म्याद थप, ठेक्का व्यवस्थापन र मूल्य समायोजनमा देखिएका चुनौतीबारे प्रधानमन्त्रीलाई जानकारी गराएका थिए।
छलफलका क्रममा प्रधानमन्त्री शाहले निर्माण क्षेत्र मुलुकको आर्थिक विकास र रोजगारी सिर्जनाको महत्त्वपूर्ण आधार भएको बताउँदै यस क्षेत्रका समस्या समाधान गर्न सरकार सकारात्मक रहेको उल्लेख गरे। उनले निर्माण व्यवसायलाई मर्यादित र पारदर्शी बनाउँदै विकास–निर्माणका कामलाई निर्धारित समयमै सम्पन्न गर्न व्यवसायीहरूलाई आग्रह गरे।
भेटमा महासङ्घका अध्यक्ष निकोलश पाण्डेसहितका पदाधिकारीहरूले निर्माण उद्योगलाई चलायमान बनाउन सरकार र निजी क्षेत्रबीच प्रभावकारी सहकार्य हुनुपर्नेमा जोड दिएका थिए। छलफलमा प्रधानमन्त्रीका प्रमुख सल्लाहकार कुमार व्यञ्जनकार लगायतका सल्लाहकारहरूको पनि उपस्थिति थियो।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।कुमारी बैंक लिमिटेडले बाजुराको गौमूल गाउँपालिकाका ६ वटा सामुदायिक विद्यालयलाई स्मार्ट टेलिभिजन हस्तान्तरण गरेको छ । बैंकले संस्थागत सामाजिक उत्तरदायित्व कार्यक्रमअन्तर्गत शिक्षा क्षेत्रमा योगदान पुर्याउने उद्देश्यले स्मार्ट टेलिभिजन उपलब्ध गराएको जनाएको छ ।बैंकको गौमुल शाखामार्फत गाउँपालिकासँगको समन्वयमा सञ्चालन गरिएको उक्त कार्यक्रमबाट ग्रामीण तथा दुर्गम भेगका विद्यालयमा सूचना तथा सञ्चार प्रविधिमा
लोड भइरहेको छ...
Loading brands...
