सजिलो पत्रिका
२०८३ असार १०, बुधबार १८:४१
राष्ट्रिय स्वतन्त्र पार्टी (रास्वपा) का प्रवक्ता मनिष झाले प्रधानमन्त्री तथा पार्टीका वरिष्ठ नेता बालेन्द्र शाह (बालेन) आफ्नो पूर्वनिर्धारित प्रतिबद्धताअनुसार तीन दिन महाधिवेशनमा सहभागी भएर काठमाडौँ फर्किएको स्पष्ट पारेका छन्। चितवनमा जारी महाधिवेशनमा मतदानको प्रक्रिया सुरु हुनुअघि नै शाह फर्किएपछि उठेका प्रश्नहरूको जवाफ दिँदै झाले यस्तो बताएका हुन्।
प्रवक्ता झाका अनुसार शाहले उद्घाटनकै दिन आफूले पार्टीका लागि तीन दिन छुट्याएको र त्यसपछि देशको काममा लाग्ने जानकारी गराएका थिए। "उहाँले आफ्नो कमिटमेन्ट पूरा गर्नुभएको छ, हामीले अपेक्षा गरेभन्दा बढी समय दिनुभयो," झाले भने। उनले ठट्टा गर्दै थपे, "उहाँ धेरै बसिदिनुभएको भए सिंहदरबारको चिन्ता छैन भनेर प्रश्न उठ्न सक्थ्यो, त्यसैले उहाँ देशको जिम्मेवारी सम्हाल्न फर्कनुभएको हो।"
रास्वपाले प्रधानमन्त्रीजस्तो जिम्मेवार व्यक्तिले पार्टीको कार्यक्रममा आवश्यकभन्दा बढी समय बिताउनु उपयुक्त नहुने भन्दै शाहको उपस्थितिलाई सकारात्मक रूपमा लिएको छ। अब पार्टीले राजनीतिक प्रशिक्षण र संगठनात्मक गतिविधिलाई थप व्यवस्थित बनाउने प्रवक्ता झाले जानकारी दिए।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।नेपालका लागि दिपल, नामी र सेरेस इभीको आधिकारिक आयातकर्ता एमएडब्लु वृद्धिले ललितपुरको बालकुमारीमा नयाँ अत्याधुनिक इभी वर्कसप सञ्चालनमा ल्याएको छ। एमएडब्लु ग्रुपकी अध्यक्ष शान्ति देवी अग्रवाल, एमएडब्लु वृद्धिका अध्यक्ष विष्णु कुमार अग्रवाल, प्रबन्ध निर्देशक विवेक सिकारिया र डोङफेङ मोटर्सका प्रतिनिधिहरूले संयुक्त रूपमा वर्कसपको उद्घाटन गरेका हुन्।१५ हजार वर्गमिटर क्षेत्रफलमा फैलिएको
Loading brands...
