सजिलो पत्रिका
२०८३ जेठ ०९, शनिबार १४:२३
काठमाडौँ
संयुक्त राज्य अमेरिकाको क्यालिफोर्निया राज्यमा रासायनिक ट्याङ्की चुहावट भएपछि दशौँ हजार मानिसलाई सुरक्षित स्थानमा सारिएको छ। लस एन्जलसको दक्षिणपूर्वस्थित ओरेन्ज काउन्टीको गार्डेन ग्रोभ क्षेत्रमा भएको उक्त घटनापछि करिब ४० हजार मानिस प्रभावित भएको जनाइएको छ।
ट्याङ्कीमा करिब २६ हजार लिटर मिथाइल मेथाक्रिलेट रहेको बताइएको छ, जुन प्लास्टिक उत्पादनमा प्रयोग हुने अत्यन्त ज्वलनशील र अस्थिर रसायन हो। चुहावट नियन्त्रणमा नआएमा वरपरका अन्य इन्धन तथा रासायनिक भण्डारणमा समेत जोखिम बढ्न सक्ने भन्दै अधिकारीहरूले चेतावनी दिएका छन्।
स्थानीय प्रशासनले गम्भीर जोखिमको आकलन गर्दै निकासी आदेश जारी गरेको छ। करिब ४० हजार मानिस प्रभावित भए पनि धेरैले घर छोड्न अस्वीकार गरेको जनाइएको छ। घटनास्थलमा दमकल तथा आपतकालीन टोलीले ट्याङ्कीलाई चिसो पार्ने प्रयास गरिरहेको छ।
अधिकारीहरूका अनुसार ट्याङ्कीको तापक्रम हाल घट्दै गएको छ र अवस्था स्थिर बनाउने प्रयास जारी छ। स्वास्थ्य अधिकारीहरूले प्रभावित क्षेत्रमा बसोबास गर्नेहरूलाई सावधानी अपनाउन र कुनै असामान्य गन्ध वा असर देखिएमा तत्काल जानकारी दिन आग्रह गरेका छन्।
हालसम्म कुनै मानवीय क्षति वा घाइते भएको विवरण नआएको जनाइएको छ। तर, मिथाइल मेथाक्रिलेटले छाला, आँखा तथा श्वासप्रश्वासमा असर पार्न सक्ने भएकाले सतर्कता अपनाउन वातावरणीय निकायहरूले चेतावनी दिएका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
