सजिलो पत्रिका
२०८३ जेठ ०८, शुक्रबार २१:३४
मोरङ – श्रम संस्कृति पार्टीका अध्यक्ष हर्कराज साम्पाङ राई ले श्रमदान नगरी विदेशी विकासका मोडेलको उदाहरण दिनेहरू आफूलाई श्रमदाता भन्दै हिँड्ने, तर व्यवहारमा श्रम र उत्पादनभन्दा आलोचना तथा प्रचारमै केन्द्रित हुने गरेको टिप्पणी गरेका छन् ।
उनले आफूले सञ्चालन गरेका विकास अभियानहरू कुनै व्यक्ति वा संस्थासँग मागेर नभई देश–विदेशमा रहेका शुभेच्छुक नागरिकहरूको स्वस्फूर्त सहयोगबाट अघि बढेको दाबी गरे ।
मोरङको उर्लाबारीमा शुक्रबार आयोजित स्थानीय नागरिक, पार्टी कार्यकर्ता तथा श्रमदातासँगको भेटघाट कार्यक्रममा बोल्दै साम्पाङले आफू र आफ्ना अभियानलाई ‘क्यूआर–क्यूआर’ भन्दै उडाउनेहरूले श्रमको वास्तविक मूल्य नबुझेको बताए ।
‘श्रमदान नगर्ने, काम नगर्ने र विकासको परिणाम पनि नदेख्नेहरू सामाजिक सञ्जालमा बसेर आलोचना मात्र गर्छन्,’ उनले भने, ‘हामीले कसैको ढोका ढकढक्याएर पैसा मागेका छैनौँ। देश–विदेशका नेपालीहरूले विश्वास गरेर दिएको सहयोग र आफ्नै श्रमका आधारमा काम गरेका छौँ।’
उनले विकासका लागि सबैभन्दा ठूलो पूँजी श्रम नै भएको उल्लेख गर्दै भाषण, आश्वासन र राजनीतिक गफले देश परिवर्तन नहुने बताए । ‘देश नबन्नुको कारण कामको अभाव होइन, कामप्रतिको सोच हो,’ उनले भने, ‘हामीकहाँ श्रम गर्ने मानिसलाई तल देख्ने र काम नगरी भाषण गर्ने मानिसलाई माथि राख्ने प्रवृत्ति छ। यही सोच परिवर्तन नगरेसम्म देशले गति लिन सक्दैन ।’
साम्पाङले नेपालका अधिकांश राजनीतिक दलहरू विकासका नाममा भाषण र आश्वासन बाँड्नमै सीमित रहेको आरोप लगाए। वर्षौँदेखि विकासका नारा सुनाइए पनि जनताले अपेक्षा गरेअनुसार परिणाम नदेखिएको उनको भनाइ थियो।
‘सडक, खानेपानी, कृषि, उद्योग र रोजगारीका क्षेत्रमा अझै धेरै काम गर्न बाँकी छ,’ उनले भने, ‘हाम्रो पार्टीले गफ होइन, श्रमलाई प्राथमिकता दिएको छ। हामीले जे भन्छौँ, त्यसलाई व्यवहारमा पनि देखाउने प्रयास गरिरहेका छौँ ।’
उनले श्रम संस्कृति पार्टीको मूल दर्शन श्रमको सम्मान र उत्पादनमुखी समाज निर्माण रहेको उल्लेख गर्दै हरेक नागरिक कुनै न कुनै उत्पादनशील कार्यमा संलग्न हुनुपर्ने बताए। कृषिदेखि उद्योग, निर्माणदेखि वातावरण संरक्षणसम्मका क्षेत्रमा नागरिकको प्रत्यक्ष सहभागिता आवश्यक रहेको उनको भनाइ थियो ।
कार्यक्रममा बोल्दै साम्पाङले देशमा बढ्दो बेरोजगारी र युवापलायनप्रति पनि चिन्ता व्यक्त गरे। लाखौँ युवा रोजगारीका लागि विदेशिन बाध्य भएको उल्लेख गर्दै उनले देशभित्रै उत्पादन र उद्यमका अवसर सिर्जना गर्नुपर्नेमा जोड दिए ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
