सजिलो पत्रिका
२०८३ जेठ ०८, शुक्रबार ११:१९
काठमाडौँ
राष्ट्रिय स्वतन्त्र पार्टी (रास्वपा) को चुनावी सफलता र बालेन्द्र शाह (बालेन) प्रधानमन्त्री बनेपछि भारतका प्रधानमन्त्री नरेन्द्र मोदीले बधाई तथा शुभकामना दिँदै दुई देशबीचको सम्बन्धलाई थप मजबुत बनाउने प्रतिबद्धता व्यक्त गरेका थिए। उनले सामाजिक सञ्जाल तथा औपचारिक सन्देशमार्फत प्रधानमन्त्री बालेनलाई भारत भ्रमणको निम्तोसमेत दिएका थिए। सुरुवाती चरणमा दुवै देशबीचको सम्बन्ध सकारात्मक र उत्साहजनक देखिएको थियो।
तर, एक महिनाभित्रै दुवै देशबीचको सम्बन्धमा केही खटपट देखिन थालेको छ। भारतले आफ्ना उच्च अधिकारीहरूको नेपाल भ्रमण स्थगित गरेको छ भने प्रधानमन्त्री बालेनको भारत भ्रमणको तयारी पनि पछि धकेलिएको बताइएको छ। यसले नेपालका कूटनीतिक वृत्तमा चासो र चर्चा बढाएको छ।
पछिल्ला दिनमा लिपुलेक–कालापानी सीमासम्बन्धी विवाद, व्यापारिक असहमति र कूटनीतिक समन्वयमा देखिएको कमजोरी सम्बन्ध चिसिनुका प्रमुख कारणका रूपमा हेरिएको छ। नेपालले लिपुलेक हुँदै हुने मानसरोवर यात्राप्रति आपत्ति जनाएको थियो भने व्यापार, भन्सार र कृषि उत्पादनसम्बन्धी विषयमा पनि दुवै देशबीच मतभेद देखिएको छ।
यद्यपि दुवै पक्षले सार्वजनिक रूपमा सम्बन्धलाई सकारात्मक ढंगले अघि बढाउने प्रतिबद्धता जनाउँदै आएका छन्। कूटनीतिक तहमा संवाद जारी राखेर उत्पन्न भएका समस्या समाधान गर्ने प्रयास भइरहेको बताइए पनि पछिल्ला घटनाक्रमले नेपाल–भारत सम्बन्ध केही असहज अवस्थामा पुगेको संकेत गरेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । राष्ट्रपति रामचन्द्र पौडेलले विकास निर्माणको केन्द्रमा मानव र प्रकृतिलाई राख्नुपर्नेमा जोड दिएका छन्। नेपाल इन्जिनियर्स एसोसिएसनको ६४औँ वार्षिकोत्सवलाई सम्बोधन गर्दै उनले विकासको अवधारणा जनताको कल्याण र मुलुकको समृद्धिसँग जोडिनुपर्ने बताए।जलवायु परिवर्तनको बढ्दो चुनौतीलाई मध्यनजर गर्दै अबका पूर्वाधारहरू दिगो, पर्यावरणमैत्री र 'हरित विकास' को सिद्धान्तमा आधारित हुनुपर्ने राष्ट्रपतिको भनाइ
Loading brands...
