सजिलो पत्रिका
२०८३ जेठ ०२, शनिबार १४:५३
काठमाडौँ
प्रमुख विपक्षी दल नेपाली काँग्रेसका संसदीय दलका नेता भीष्म राज आङदेम्बेले प्रधानमन्त्री बालेन्द्र शाह (बालेन)को कार्यशैली र सरकारी भूमिकामाथि आलोचना गरेका छन्। उनले सरकार संसद्मा र नीति तथा कार्यक्रमका विषयमा पर्याप्त रूपमा उपस्थित र जिम्मेवार नदेखिएको आरोप लगाए।
शनिबार मोबाइल व्यवसायी महासङ्घको महाधिवेशनमा बोल्दै आङ्देम्बेले प्रतिपक्षी दलहरूले संसद्भित्र प्रधानमन्त्री खोज्दा समेत नभेटिने अवस्था बनेको टिप्पणी गरे। उनका अनुसार यस्तो अवस्थाले सरकारको जिम्मेवारीबोध कमजोर भएको संकेत गर्छ।
उनले राष्ट्रपतिमार्फत प्रस्तुत नीति तथा कार्यक्रम देशको एक वर्षे मार्गचित्र भए पनि नेतृत्व गम्भीर नभएको दाबी गरे। “जहाँ मुलुकको एक वर्षको खाका तयार गरिएको हुन्छ, त्यहाँ नेतृत्व नै उपस्थित नहुनु चिन्ताजनक हो,” उनले भने।
आङ्देम्बेले सरकारको नीति तथा कार्यक्रम मध्यम र उच्च वर्ग केन्द्रित भएको आरोपसमेत लगाए। उनले गरिब, मजदुर र किसानमुखी कार्यक्रम कमजोर रहेको भन्दै आलोचना गरे।
उनले प्रमुख विपक्षी दल सरकारसँग परिणाम चाहने पक्षमा रहेको स्पष्ट पार्दै अवैध मोबाइल आयात रोक्नुपर्ने आवश्यकता समेत औँल्याए।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
