सजिलो पत्रिका
२०८३ जेठ ०२, शनिबार १३:४२
काठमाडौँ
चीनले ‘लिजियान’ वाहक रकेटमार्फत पाँच वटा उपग्रह सफलतापूर्वक अन्तरिक्षमा प्रक्षेपण गरेको छ। यो प्रक्षेपण शुक्रबार उत्तरपश्चिम चीनस्थित डोङफेङ व्यावसायिक अन्तरिक्ष नवप्रवर्तन परीक्षण क्षेत्रबाट गरिएको हो।
बेइजिङ समयअनुसार दिउँसो १२ः३३ बजे प्रक्षेपण गरिएको रकेटले सबै उपग्रहलाई सफलतापूर्वक निर्धारित कक्षामा पुर्याएको जनाइएको छ। यो लिजियान रकेटको १३औँ उडान तथा शृङ्खलाको १४औँ प्रक्षेपण हो।
हालसम्म लिजियान शृङ्खलामार्फत १०० भन्दा बढी उपग्रह अन्तरिक्षमा पठाइसकिएको छ भने कक्षामा स्थापित सामग्रीको कुल तौल १८ टनभन्दा बढी पुगेको छ।
चीनद्वारा विकसित लिजियान ठोस इन्धन प्रयोग गर्ने वाहक रकेट हो, जसमा तीव्र प्रतिक्रिया क्षमता रहेको छ। यसले विभिन्न प्रकारका उपग्रह मिसनसँग अनुकूल हुने गरी सार्वभौमिक प्लेटफर्ममा आधारित डिजाइन अपनाएको बताइएको छ।
यस प्रक्षेपणमा पठाइएको ‘तियानयान–२७’ उपग्रहमा अन्तरिक्ष प्रदर्शन स्क्रिन, निगरानी क्यामेरा, इन्फ्रारेड क्यामेरा तथा स्मार्ट डाटा प्रशोधन प्रणाली जडान गरिएको छ। उक्त उपग्रहले अन्तरिक्षमा प्रविधिगत परीक्षण, डाटा प्रशोधन तथा विभिन्न वैज्ञानिक कार्यहरू गर्नेछ।
कम्पनीले आगामी दिनमा रकेट पुनःप्रयोग, मोड्युलर डिजाइन तथा रकेटको स्वास्थ्य निगरानी र मर्मत प्रविधिमा थप अनुसन्धान जारी राख्ने जनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
