सजिलो पत्रिका
२०८३ वैशाख २९, मङ्गलबार १५:१२
काठमाडौँ
माध्यमिक शिक्षा परीक्षा (एसइई) को नतिजा यस वर्ष एक महिनामै सार्वजनिक भएको छ। परीक्षा सम्पन्न भएको छोटो अवधिमै परीक्षाफल सार्वजनिक हुनुका साथै नतिजामा समेत सुधार देखिएको छ।
राष्ट्रिय परीक्षा बोर्डअन्तर्गत परीक्षा नियन्त्रण कार्यालय (कक्षा १०) ले पूर्वनिर्धारित कार्यतालिकाअनुसार नतिजा प्रकाशित गरेको हो। यसअघि नतिजा ढिलो आउने प्रचलन रहे पनि यसपटक एक महिनामै नतिजा सार्वजनिक गरिएको छ।
यस वर्ष एसइईमा कुल ४ लाख ३० हजार ६ सय ६७ विद्यार्थी सहभागी भएका थिए। तीमध्ये २ लाख ८४ हजार १ सय ६० विद्यार्थी ‘ग्रेडेड’ भएका छन् भने १ लाख ४६ हजार ५ सय ७ विद्यार्थी ‘ननग्रेडेड’ भएका छन्। ननग्रेडेड विद्यार्थीले ग्रेडवृद्धि परीक्षाको अवसर पाउनेछन्।
गत वर्षको तुलनामा यस वर्ष नतिजा सुधारिएको छ। गत वर्ष ६१.८१ प्रतिशत विद्यार्थी उत्तीर्ण भएका थिए भने यस वर्ष ६५.९८ प्रतिशत विद्यार्थी सफल भएका छन्।
शिक्षाविद्हरूका अनुसार उत्तरपुस्तिका परीक्षण प्रक्रियामा गरिएको सुधार, शिक्षकको सक्रियता, तथा नयाँ निर्देशिकाको कडाइका कारण नतिजा छिटो र व्यवस्थित रूपमा प्रकाशन हुन सकेको हो। परीक्षापछि तीन दिनभित्र उत्तरपुस्तिका परीक्षण सक्ने, गोप्य रूपमा अंक प्रविष्ट गर्ने र डिजिटल प्रणालीमार्फत छिटो ट्याबुलेसन गर्ने व्यवस्था गरिएको थियो।
शिक्षामन्त्रीको निर्देशनअनुसार शैक्षिक पात्रो कार्यान्वयन र व्यवस्थापकीय सुधारलाई प्रभावकारी बनाइएकाले नतिजा समयमै आउन सकेको बताइएको छ। विज्ञहरूका अनुसार शिक्षकप्रति विश्वास बढाउन सके शिक्षा प्रणाली अझ गुणस्तरीय बन्न सक्ने देखिएको छ।
यससँगै एसइई परीक्षालाई अझ पारदर्शी, छिटो र परिणाममुखी बनाउन नयाँ व्यवस्थाहरू लागू गरिएको बोर्डले जनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
नवलपरासी । बर्दघाट सुस्तापूर्वको त्रिभुवन बाल माध्यमिक विद्यालय कावासोती नगरपालिका–१७ ढोकीका विद्यार्थीले मान्छे जस्तै रोबोट निर्माण गरेका छन् । गण्डकी प्रदेश सरकारको मुख्यमन्त्री नवप्रवर्तन साझेदारी कार्यक्रमअन्तर्गत कावासोती नगरपालिकाले सञ्चालन गरेको ‘आविष्कार र उत्पादनको जग मेरो विद्यालय’ कार्यक्रम विद्यार्थीले विद्यालयको परिचय र स्वागत गर्न सक्ने ‘राधा’ नामको रोबोट निर्माण गरेका हुन् ।
लोड भइरहेको छ...
Loading brands...
