सजिलो पत्रिका
२०८३ वैशाख १७, बिहिबार ११:२५
काठमाडौँ
शेर बहादुर देउबा नेतृत्वको नेपाली काँग्रेसभित्र विशेष महाधिवेशनपछि गुटगत विभाजन अझ स्पष्ट रूपमा देखिन थालेको छ। पहिले संस्थापन र डॉ. शेखर कोईराला समूह गरी दुई धार देखिएको पार्टी अहिले तीन गुटमा विभाजित भएको छ।
विशेष महाधिवेशनअघि संस्थापन पक्षमा रहेका नेताहरू अहिले देउवा समूहका रूपमा सक्रिय छन्। उक्त समूहले महाराजगञ्जस्थित स्मार्ट होटलमा भेला समेत आयोजना गरिरहेको छ, जहाँ पार्टीको आगामी रणनीति र आन्तरिक समन्वयका विषयमा छलफल भइरहेको जनाइएको छ।
विशेष महाधिवेशनबाट सभापतिमा निर्वाचित गगन थापा र उपसभापति विश्वप्रकाश शर्मा हाल संस्थापन पक्षमा छन्। उनीहरूको नेतृत्वमा भइरहेका गतिविधिहरू अहिले पार्टीका आधिकारिक निर्णय र कार्यक्रमका रूपमा अगाडि बढिरहेका छन्।
यता, डा. शेखर कोइराला भने केही समय देउवा समूहसँग सहकार्य गरे पनि पछिल्लो समय पुनः आफ्नै गुटलाई सक्रिय बनाउनतर्फ लागेका छन्। विशेष महाधिवेशनको वैधता सम्बन्धी विवादमा उनी देउवा समूहसँगै निर्वाचन आयोग र सर्वोच्च अदालतसम्म पुगेका थिए।
सर्वोच्च अदालतले विशेष महाधिवेशनलाई आधिकारिकता दिएपछि भने कोइरालाले आफ्नो पुरानो समूह पुनः संगठित गर्ने प्रयास थालेका हुन्। यसै क्रममा उनले बागमती प्रदेशका आफ्ना पक्षका नेताहरूको भेला बोलाएका छन्। सो भेलामा आगामी राजनीतिक रणनीति र संगठन विस्तारबारे छलफल हुने जानकारी जीवन परियार ले दिएका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
