सजिलो पत्रिका
२०८३ वैशाख १०, बिहिबार १२:०६
काठमाडौँ
नेपाल कम्युनिष्ट पार्टी (एमाले)का सचिव महेश बस्नेतले वर्तमान सरकारप्रति कडा असन्तुष्टि जनाउँदै जनताको मन र सत्ताबाट बिदा हुने दिन टाढा नरहेको दाबी गरेका छन्। सुकुमबासी बस्ती खाली गराउने निर्णयप्रति आपत्ति जनाउँदै उनले सरकारको कदमप्रति आक्रोश व्यक्त गरेका हुन्।
सामाजिक सञ्जालमार्फत उनले प्रधानमन्त्री बालेन्द्र शाह (बालेन)ले सुरक्षा निकायका प्रमुखहरूलाई बोलाएर अतिक्रमित सुकुमबासी बस्ती छिटो खाली गराउन निर्देशन दिएको विषय उठाएका छन्। उनले उक्त निर्णयले सरकारको वास्तविक चरित्र उजागर भएको टिप्पणी गरेका छन्।
बस्नेतले सत्तारुढ दलका नेताहरूका विगतका अभिव्यक्तिमाथि प्रश्न उठाउँदै जनतालाई भ्रममा राख्ने भाषण मात्र भएको आरोप लगाए। उनले सुकुमबासी व्यवस्थापनको सट्टा उनीहरूलाई हटाउने नीति अपनाइएको भन्दै सरकारको नियतमाथि प्रश्न गरेका छन्।
उनले सडक विस्तार र फुटपाथ व्यवस्थापनका नाममा साना व्यवसायी र स्थानीयमाथि अन्याय भइरहेको उल्लेख गर्दै यसलाई गरिबविरुद्धको कदमको रूपमा चित्रण गरेका छन्। साथै, विभिन्न निर्णयहरूले सरकार लोकतान्त्रिक अभ्यासभन्दा टाढिँदै अधिनायकवादी दिशातर्फ उन्मुख भएको आरोप पनि उनले लगाएका छन्।
बस्नेतले यस्तो जनविरोधी कदमप्रति जनता मौन नबस्ने चेतावनी दिएका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । राष्ट्रपति रामचन्द्र पौडेलले विकास निर्माणको केन्द्रमा मानव र प्रकृतिलाई राख्नुपर्नेमा जोड दिएका छन्। नेपाल इन्जिनियर्स एसोसिएसनको ६४औँ वार्षिकोत्सवलाई सम्बोधन गर्दै उनले विकासको अवधारणा जनताको कल्याण र मुलुकको समृद्धिसँग जोडिनुपर्ने बताए।जलवायु परिवर्तनको बढ्दो चुनौतीलाई मध्यनजर गर्दै अबका पूर्वाधारहरू दिगो, पर्यावरणमैत्री र 'हरित विकास' को सिद्धान्तमा आधारित हुनुपर्ने राष्ट्रपतिको भनाइ
Loading brands...
