सजिलो पत्रिका
२०८३ वैशाख ०२, बुधबार ११:४४
काठमाडौँ
सङ्घीय संसद् अन्तर्गत प्रतिनिधिसभा तथा संयुक्त समितिका सभापतिहरूको मनोनयन दर्ता बिहीबार हुने भएको छ। सङ्घीय संसद् सचिवालयका सचिव हर्कराज राईले जारी गरेको सूचनाअनुसार मनोनयन दर्ता दिउँसो १ बजेदेखि ४ बजेसम्म गरिनेछ।
सूचनामा उल्लेख गरिएअनुसार मनोनयन दर्ता सिंहदरवारस्थित प्रतिनिधिसभा सचिवको कार्यकक्षमा हुनेछ। त्यस्तै, सोही दिन दिउँसो साढे ४ बजे उम्मेदवारहरूको अन्तिम नामावली प्रकाशन गरिनेछ। प्रतिनिधिसभा अन्तर्गत १० वटा र दुई संयुक्त समितिका सभापतिहरूको निर्वाचन हुन बाँकी रहेको छ।
यसअघि चैत २७ गते बसेको प्रतिनिधिसभा बैठकले विषयगत समितिहरूका सदस्यहरू चयन गरेको थियो। सोही बैठकमा सभामुख डोलप्रसाद अर्यालले आगामी वैशाख ४ गतेका लागि समितिका सभापतिहरूको निर्वाचन मिति तय गरेका थिए।
प्रचलित व्यवस्थाअनुसार सम्बन्धित समितिका कुनै एक सदस्यले प्रस्तावक र अर्को सदस्यले समर्थन गर्ने गरी सभापतिमा उम्मेदवारी दर्ता गर्न सकिने व्यवस्था रहेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
