सजिलो पत्रिका
२०८२ चैत २९, आइतबार १२:५१
काठमाडौँ
सरकारले सार्वजनिक खरिद प्रक्रियालाई समयसापेक्ष र प्रभावकारी बनाउन सार्वजनिक खरिद ऐन, २०६३ संशोधन गर्ने तयारी अघि बढाएको छ। यसका लागि प्रारम्भिक मस्यौदा तयार गरी सरोकारवालासँग राय सुझाव संकलन सुरु गरिएको छ।
सार्वजनिक खरिद अनुगमन कार्यालयले विधेयकको मस्यौदा तयार पारी चैत २५ गते सार्वजनिक गरेको हो। विधायन ऐन, २०८१ को प्रावधानअनुसार कुनै पनि विधेयकको मस्यौदामा जनताको राय लिनुपर्ने व्यवस्था बमोजिम सुझाव संकलन प्रक्रिया अघि बढाइएको कार्यालयले जनाएको छ।
मस्यौदामाथि सरोकारवालाहरूले अध्ययन गरी आगामी वैशाख १ गतेभित्र आफ्ना राय तथा सुझाव पेश गर्नुपर्ने समयसीमा तोकिएको छ। प्राप्त सुझावका आधारमा आवश्यक परिमार्जन गरी अन्तिम मस्यौदा तयार गरिनेछ।
त्यसपछि उक्त मस्यौदा सम्बन्धित मन्त्रालयमार्फत मन्त्रिपरिषद्मा पेश गरिनेछ। मन्त्रिपरिषद्बाट स्वीकृति पाएपछि विधेयक संसदमा दर्ता हुनेछ र दफावार छलफलपछि पारित प्रक्रिया पूरा गरी प्रमाणीकरणका लागि राष्ट्रपति समक्ष पठाइनेछ।
राष्ट्रपतिबाट प्रमाणीकरण भएपछि विधेयक ऐनका रूपमा लागू हुनेछ। यस संशोधनले नेपालको सार्वजनिक खरिद प्रणालीलाई अझ पारदर्शी, प्रभावकारी र व्यवस्थित बनाउने अपेक्षा गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन शाहले आज पुँजी बजार, धितोपत्र व्यवसाय र बीमा क्षेत्रका सरोकारवालाहरूसँग छलफल गर्दैछन्। प्रधानमन्त्रीको सचिवालयका अनुसार सिंहदरबारस्थित प्रधानमन्त्री तथा मन्त्रिपरिषद्को कार्यालयमा मध्याह्न १२ बजे यो छलफल सुरु हुनेछ।बैठकमा नेपाल धितोपत्र बोर्ड (सेबोन) का अध्यक्ष गोपाल भट्ट, नेप्सेका अध्यक्ष अमृत लम्साल, स्टक ब्रोकर एशोसिएशनका अध्यक्ष सागर ढकाल, नासा
लोड भइरहेको छ...
Loading brands...
