काठमाडौँ । राष्ट्रपति रामचन्द्र पौडेलले विकास निर्माणको केन्द्रमा मानव र प्रकृतिलाई राख्नुपर्नेमा जोड दिएका छन्। नेपाल इन्जिनियर्स एसोसिएसनको ६४औँ वार्षिकोत्सवलाई सम्बोधन गर्दै उनले विकासको अवधारणा जनताको कल्याण र मुलुकको समृद्धिसँग जोडिनुपर्ने बताए।जलवायु परिवर्तनको बढ्दो चुनौतीलाई मध्यनजर गर्दै अबका पूर्वाधारहरू दिगो, पर्यावरणमैत्री र 'हरित विकास' को सिद्धान्तमा आधारित हुनुपर्ने राष्ट्रपतिको भनाइ
नेपाललाई थप १५ दिन पूर्ण समय विद्युत् आपूर्ति गर्ने भारतको निर्णय
सजिलो पत्रिका
२०८२ चैत १६, सोमबार २०:१५
19
काठमाडौँ
भारतले नेपाललाई थप १५ दिनसम्म चौबिसै घण्टा विद्युत् निर्यात गर्न अनुमति दिएको छ । भारतको केन्द्रीय विद्युत् प्राधिकरणले नेपाल विद्युत प्राधिकरणलाई अप्रिल १ देखि १५ दिनसम्म ६०० मेगावाटसम्म विद्युत् निर्यात गर्न स्वीकृति दिएको हो। यसअघि मार्च ३१ सम्मका लागि २४ सै घण्टा विद्युत् निर्यातको अनुमति दिइएको थियो।
नेपाल विद्युत् प्राधिकरणका कार्यकारी निर्देशक हितेन्द्र देव शाक्यका अनुसार नयाँ निर्णयअनुसार अप्रिल १६ देखि ३० (वैशाख १ देखि १५) सम्म भने दैनिक १६ घण्टा मात्रै विद्युत् आपूर्ति हुने व्यवस्था गरिएको छ। उक्त अवधिमा बिहान २ बजेदेखि बेलुका ६ बजेसम्म विद्युत् आउनेछ भने बेलुका ६ बजेदेखि बिहान २ बजेसम्म आपूर्ति बन्द रहनेछ।
त्यस्तै, मे १ देखि जुन ३० सम्म पनि दैनिक १६ घण्टा विद्युत् आपूर्ति हुनेछ। यस अवधिमा बिहान ४ बजेदेखि बेलुका ८ बजेसम्म विद्युत् उपलब्ध हुनेछ भने राति ८ बजेदेखि बिहान ४ बजेसम्म आपूर्ति बन्द रहनेछ।
यसबाहेक, जुलाई १ देखि अगस्ट ३१ सम्म पुनः २४ सै घण्टा ६०० मेगावाट विद्युत् आपूर्ति गर्ने अनुमति प्राप्त भएको छ। प्राधिकरणका अनुसार भारतको विद्युत् मन्त्रालयअन्तर्गतको केन्द्रीय विद्युत् प्राधिकरणले भारतीय पावर एक्स्चेन्जमार्फत मुजफ्फरपुर–ढल्केबर ४०० केभी प्रसारण लाइनबाट उक्त परिमाणमा विद्युत् निर्यातका लागि अनुमति दिएको हो।
उक्त व्यवस्थाले नेपालमा विद्युत् माग व्यवस्थापनमा सहजता आउने विश्वास गरिएको छ।
यो समाचारमा
नेपाल विद्युत प्राधिकरण4 more
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
Data is loading...
Loading brands...
Loading footer...
