चितवन–१ मा रास्वपाका हरि ढकालको सानदार जित

सजिलो पत्रिका

२०८२ फागुन २३, शनिबार २०:१५

रास्वपाका हरि ढकाल ५८,२०८ मतसहित चितवन–१ बाट विजयी भए, उनले ४५,१७५ मतान्तरले कांग्रेसका राजेन्द्रप्रसाद बुर्लाकोटीलाई पराजित गरे।
कांग्रेसका बुर्लाकोटी १३,०३३ मतसहित दोस्रो र एमालेका दावा दोर्जे लामा १०,८९९ मतसहित तेस्रो स्थानमा रहे।
२०७९ मा पनि यही क्षेत्रबाट जितेका ढकालको यो परिणामले चितवनमा रास्वपाको बलियो पकड पुनः पुष्टि गरेको छ।

समाचार सारांशGenerated using AI.

काठमाडौँ।

चितवन निर्वाचन क्षेत्र नम्बर १ बाट राष्ट्रिय स्वतन्त्र पार्टी (रास्वपा) का उम्मेदवार हरि ढकाल भारी मतान्तरसहित प्रतिनिधि सभा सदस्यमा निर्वाचित भएका छन्। शनिबार सार्वजनिक अन्तिम मतपरिणामअनुसार ढकालले आफ्ना निकटतम प्रतिद्वन्द्वी नेपाली कांग्रेसका राजेन्द्रप्रसाद बुर्लाकोटीलाई ४५ हजार १७५ मतको फराकिलो अन्तरले पराजित गरेका हुन्।

ढकालले ५८ हजार २०८ मत प्राप्त गर्दा कांग्रेसका बुर्लाकोटीले १३ हजार ३३ मत मात्र पाए। ढकाल यसअघि २०७९ सालको निर्वाचनमा पनि यही क्षेत्रबाट निर्वाचित भएका थिए।

यस क्षेत्रमा नेपाल कम्युनिष्ट पार्टी (एमाले)का दावा दोर्जे लामाले १० हजार ८९९ मत प्राप्त गरे भने नेपाली कम्युनिस्ट पार्टीका कृष्ण पन्तले ४ हजार ८१ र राप्रपाका बलराम खनालले २ हजार ३०२ मत प्राप्त गरेका छन्। ढकालको यो जितले चितवनमा रास्वपाको बलियो पकडलाई पुनः पुष्टि गरेको छ।

यो समाचारमा

हरि ढकाल5 more

ट्यागहरू

#नेकपा एमाले #राष्ट्रिय स्वतन्त्र पार्टी #प्रतिनिधिसभा निर्वाचन #चितवन #हरि ढकाल

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

प्रतिनिधिसभामा सीमान्तकृतको कमजोर प्रतिनिधित्व

काठमाडौँप्रतिनिधिसभा सदस्यको निर्वाचनसँगै प्रत्यक्ष र समानुपातिकतर्फको नतिजा सार्वजनिक भएको छ । राष्ट्रिय स्वतन्त्र पार्टी पहिलो, नेपाली काँग्रेस दोस्रो, नेपाल कम्युनिष्ट पार्टी (एमाले) तेस्रो र नेपाली कम्युनिष्ट पार्टी (नेकपा) चौथो पार्टी बनेको छ । यस पटक सीमान्तृकत समुदायको उपस्थिति कमजोर देखिएको छ । प्रत्यक्षतर्फ १६५ मध्ये जम्मा १४ जना (८.४८ प्रतिशत) छ