सजिलो पत्रिका
२०८२ फागुन १३, बुधबार २२:१५
काठमाडौँ
संयुक्त अरब इमिरेट्स (यूएई) मा रहेका नेपाली समुदायबीच खेलकुदमार्फत एकता र सामाजिक सद्भाव सुदृढ गर्ने उद्देश्यले दोस्रो जीसीडी कप आगामी शनिबार फेब्रुअरी २८ देखि दुबईको अल क्वोजस्थित डुल्स्को स्पोट्र्स कम्प्लेक्समा सुरु हुँदैछ ।
उनले भने, ‘फुटबलले मानिसलाई एकताबद्ध बनाउँछ । मित्रतालाई बलियो बनाउँछ र मैदानभन्दा बाहिर पनि परिवारको अनुभूति गराउँछ । खेलकुद केवल प्रतिस्पर्धा होइन, सामाजिक समन्वयको आधार हो ।’ सामाजिक अभियन्ताका रूपमा परिचित श्रेष्ठ व्यवसायसँगै विभिन्न सामाजिक कार्यमा सक्रिय रहँदै आएका छन् । उनी ‘खेलकुद नै जीवन हो’ भन्ने मान्यतासहित समुदायस्तरमा स्वास्थ्य, अनुशासन र सहकार्यको संस्कार विकास गर्न निरन्तर लागिरहेका छन् ।
जीसीडी ग्रुप यूएई, नेपाल, कतार, युरोपलगायत एक दर्जनभन्दा बढी देशमा शाखा विस्तार गरिसकेको बहुराष्ट्रिय व्यवसायिक सञ्जाल हो । प्रवासमा रहेका नेपालीहरूलाई व्यवसाय, रोजगारी र सामाजिक सञ्जालमार्फत जोड्ने उद्देश्यले समूहले विविध कार्यक्रम सञ्चालन गर्दै आएको छ । प्रतियोगितामा यूएईभरिका नेपाली क्लबहरूको सहभागिता रहने जनाइएको छ । आयोजकका अनुसार ‘स्वास्थ्यका लागि खेलकुद’ भन्ने नारासहित आपसी सद्भाव, अनुशासन र भाइचारालाई सुदृढ गर्ने लक्ष्य राखिएको छ ।
विशेषतः नेपालमा राष्ट्रिय स्तरका खेल खेलेका धेरै खेलाडीहरू वैदेशिक रोजगारीका लागि यूएईमा कार्यरत छन् । जीसीडी कपले उनीहरूलाई आफ्नो प्रतिभा प्रदर्शन गर्ने मञ्च प्रदान गर्नुका साथै हजारौं नेपाली श्रमिक तथा व्यवसायीबीच सामाजिक एकता र आपसी सम्बन्ध विस्तार गर्न ठोस योगदान पुग्ने अपेक्षा गरिएको छ ।
प्रवासमा श्रम र संघर्षबीच व्यस्त नेपाली समुदायका लागि जीसीडी कप केवल खेलकुद प्रतियोगिता मात्र नभई आत्मीयता, पहिचान र साझा भावनाको उत्सव बन्ने आयोजकको विश्वास छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । सोमबार बिहान अर्जेन्टिनालाई अतिरिक्त समयमा १-० ले हराएर स्पेनले दोस्रोपटक फिफा विश्वकपको उपाधि जितेको छ। अर्जेन्टिनालाई मुस्किलले हराउँदै १६ वर्षपछि दोस्रोपटक विश्वकपको उपाधि जित्दा स्पेनी टोलीको खुसीको सीमा छैन।उता पराजित अर्जेन्टिनाका प्रशिक्षक लियोनेल स्कालोनी भने पत्रकार सम्मेलनमै रोएका छन्। खेलपछि आयोजित पत्रकार सम्मेलनमा उनी धेरैपटक रोए र माफी
लोड भइरहेको छ...
Loading brands...
